Chempıondar lıgasy: «Astana» horvatııalyq «Dınamodan» oısyraı jeńildi

ASTANA. QazAqparat - Búgin fýtboldan UEFA Chempıondar lıgasy birinshi irikteý satysynda elordalyq «Astana» syrt alańda «Dınamo Zagreb» (Horvatııa) komandasymen kezdesti, dep habarlaıdy QazAqparat tilshisi.

Horvatııalyq klýb - tájirıbeli ujymdardyń biri. 1990 jyldan beri óz elinde 24 márte jeńis tuǵyryna kóterildi. Eýrokýbok oıyndaryna birneshe márte qatysqan.

Sondyqtan «Astana» úshin bul kezdesý ońaıǵa soqpaıtyny belgili edi. Nátıjesinde olardyń qatarynan Brýno Petkovıch 38-mınýtta esep ashsa, odan keıin Lýka Ivanýsheets 41, 43, 56-mınýttarda úsh márte mergendik tanytty.

Osylaısha «Astana» qarsylasynan 0:4 esebimen jeńilip qaldy.

Eki komanda arasyndaǵy qarymta kezdesý 1 tamyzǵa belgilengen.

Jeńimpaz ujym úshinshi irikteý satysynda Grekııanyń AEK komandasymen sheberlik baıqasady. Oıyn 9 jáne 15 tamyz kúnderi bolady.

Birinshi irikteý satysynda elordalyq klýb grýzııalyq «Dınamo Tbılısı» komandasyn (2:1, 0:0) orta jolda qaldyrdy.