Chempıondar lıgasy: «Astana» grýzııalyq «Dınamomen» teń tústi

ASTANA. QazAqparat - Búgin fýtboldan UEFA Chempıondar lıgasy birinshi irikteý satysynda elordalyq «Astana» óz alańynda «Dınamo Tbılısı» (Grýzııa) komandasymen kezdesti, dep habarlaıdy QazAqparat tilshisi.

Elorda tórindegi «Astana-arena» stadıonynda ótken kezdesýde qos komanda tartysty oıyn ótkizdi.

Alǵashqy mınýttan alań ıeleri basymdyq tanytty. Oǵan grýzııalyq fýtbolshylar laıyqty qarsylyq kórsetti.

Oıynnyń 11-mınýtynda «Astana» shabýylshysy Abat Aıymbetov kózdegen nysanadan múlt ketken joq.

Elordalyq fýtbolshylar esepti ústemeleýge tyrysty. Degenmen birinshi kezeńde ózge gol soǵylǵan joq.

Ekinshi kezeńde «Dınamo Tbılısı» sapynan Gabrıel Sıgýa tarazy basyn teńestirdi. Budan keıin elordalyq oıynshylar tizgindi óz qolyna alýǵa tyrysqan edi.

Kezdesý 1:1 esebimen teń aıaqtaldy.

Endi eki komanda arasyndaǵy qarymta kezdesý 19 shildege belgilengen.

Aıta ketsek, «Astana» 2015-2016 jylǵy kezeńde atalǵan týrnırdiń toptyq kezeńinde oıyn kórsetti.

Al, 2016, 2017, 2018 jyldarda Eýropa lıgasy toptyq kezeńinde synǵa tústi.