Chempıondar lıgasy: «Semeı» fýtzal klýby clovakııalyq qarsylasyn iri eseppen jeńdi

<p>ASTANA. KAZINFORM &ndash; Qazaqstandyq &laquo;Semeı&raquo; fýtzal klýby Chempıondar lıgasynyń elıtalyq kezeńindegi úshinshi oıynyn slovakııalyq &laquo;Mımel Lýchenets&raquo; komandasyna qarsy ótkizip, iri eseppen jeńiske jetti. Bul týraly <a href="https://www.sports.kz/news/sensatsionnyiy-klub-izkazahstana-unichtojil-vtorogo-sopernika-vlige-chempionov" target="_blank" rel="noopener">Sports.kz</a> habarlady.</p>

Kezdesý 8:1 esebimen aıaqtaldy. Semeılik klýbtyń legıoneri Dedezıno poker jasady. Ol 5, 10, 23 jáne 30-mınýtta kózge tústi. Ferrao (6), Shyńǵys Esenamanov (9), Erjan Kármenov (35) jáne Vashıngton Lýı (38) bir goldan soǵyp, esepti eseleı tústi. Slovakııalyq komandanyń ​​sapynda Hýan Molero ǵana oıynnyń 31-mınýtynda jubanysh golyn saldy.

Bul jeńisinen keıin semeılikter D tobynda 6 upaı jınap, ekinshi orynǵa jaıǵasty. Osy toptaǵy polshalyq «Rekord» pen ıspanııalyq «Palma» komandalary 30 qarashadan 1 jeltoqsanǵa qaraǵan túni kezdesedi.

Eske sala keteıik, buǵan deıin Almatynyń «Qaırat» komandasy fýtzaldan Chempıondar lıgasynyń fınaldyq kezeńine shyqqanyn habarlaǵan edik.