Chempıondar lıgasy: PSJ men «Borýssııa» klýbtary jartylaı fınalǵa joldama aldy

<p>ASTANA. KAZINFORM &mdash; Fýtboldan Eýropa chempıondar lıgasynda jartylaı fınalǵa shyqqan alǵashqy eki komanda belgili boldy.</p>

Ispanııanyń «Barselona» klýby Parıjdegi birinshi oıynda PSJ komandasyn 3:2 esebimen utqan edi. 

Sondyqtan Havı shákirtteri óz alańynda esesin jibermeıtindeı kóringen. Tipti 12-mınýtta brazılııalyq Rafınıa alań ıelerin alǵa shyǵardy. Ol alǵashqy matchta qos goldyń avtory atanǵan bolatyn.

Birinshi taımda 29-mınýtta «Barselonadan» Ronald Araýhonyń alańnan qýylýy oıyn nátıjesine áser etti deýge bolady. Aldymen PSJ klýbynan 40-mınýtta Ýsman Dembele tarazy basyn teńestirdi. Ekinshi taımda 54-mınýtta Vıtınıa qonaqtardy alǵa shyǵarsa, sodan keıin kezek Kılıan Mbappege keldi. Ol 61-mınýtta 11 metrlik núkteden múlt ketpese, 89-mınýtta básekeniń núktesin qoıdy.

Osylaısha, 4:1 esebimen jeńiske jetken Lýıs Enrıkeniń shákirtteri jartylaı fınalǵa joldama aldy. 

PSJ jartylaı fınalda Germanııanyń «Borýssııa» (Dortmýnd) klýbymen kezdesedi.

«Borýssııa» taǵy bir ıspanııalyq klýb – «Atletıkony» joldan taıdyrdy. Birinshi oıynda madrıdtik komanda 2:1 esebimen jeńiske jetkenimen, olar Dortmýndta alań ıelerine shydas bere almady. Birinshi taımda ıÝlıan Brandt pen Ian Maatsen mergendigimen kózge tústi. Ekinshi kezeńde Mats Hýmmels óz qaqpasyna gol soǵyp aldy. Sodan keıin Anhel Korrea tarahy basyn teńestirdi – 2:2. Alaıda 71-mınýtta Marsel Zabıttserden pas alǵan Nıklas Fıýllkrýg alań ıelerin alǵa shyǵardy. Úsh mınýttan keıin Zabıttser qajetti goldy soqty. Esep – 4:2. 

Qalǵan eki joldama máselesi 18 sáýirge qaraǵan túni sheshiledi. Ózara kezdesýlerde «Arsenal» (Anglııa) men «Bavarııa» (Germanııa) jáne «Real» (Madrıd) pen «Manchester Sıtı» (Anglııa) myqtyny anyqtaıdy.