Chempıondar lıgasy: «Ordabasy» moldovalyq «Petrokýb» komandasymen teń tústi

<p>ASTANA. KAZINFORM - Búgin, 10 shildede qazaqstandyq &laquo;Ordabasy&raquo; klýby fýtboldan Chempıondar lıgasy birinshi irikteý satysyndaǵy alǵashqy oıynyn moldovalyq &laquo;Petrokýb&raquo; komandasyna qarsy ótkizdi.</p>

Shymkenttik klýb byltyr el birinshiliginde tuńǵysh márte chempıon atandy. Nátıjesinde bıyl alǵash ret Chempıondar lıgasynda baq synaýǵa múmkindik aldy. Al «Petrokýb» komandasy 1999 jyly qurylǵan. Bul klýbta da óz elinde alǵash ret chempıondyq ataqty jeńip aldy.

Shymkenttik komanda óz alańynda ótken Moldovanyń «Petrokýb» klýbymen oıynda alǵashqy mınýttan shabýyl shebin kúsheıýge tyrysty. Soǵan qaramastan moldovalyq fýtbolshylar oǵan múmkindik bere qoıǵan joq. Komandalar bir-biriniń qaqpasy mańynda jıi boı kórsetip, gol soǵatyn múmkindikti izdedi. Ásirese, shymkenttik klýbtyń belsendiligi baıqalyp turdy. Keıbir sátte moldovalyq qaqpashy ornynan tabylsa, endigi birinde «Ordabasy» fýtbolshylary tarapynan dáldik jetispeı jatty. Osylaısha birinshi kezeńde tablodaǵy esepke ózgeris engen joq.

Ekinshi kezeńde de alań ıeleri basymdyqty arttyrýǵa tyrysty. Degenmen eki komandanyń da esep ashýǵa múmkindigi jetpedi. Osylaısha komandalar 0:0 esebimen teń tarqasty. Qarymta kezdesý 17 shildege belgilengen.

Aıta ketsek, bıyl Eýropa lıgasynda qostanaılyq «Tobyl», Konferentsııa lıgasynda elordalyq «Astana» jáne «Aqtóbe» komandalary el namysyn qorǵaıdy.