Chempıondar lıgasy: «Napolı» men «Barselona» teń oınady

<p>ASTANA. KAZINFORM &ndash; Fýtboldan UEFA Chempıondar lıgasy 1/8 fınalynyń alǵashqy oıyndary aıaqtaldy.</p>

21 aqpanda «Portý» (Portýgalııa) men «Arsenal» (Anglııa) kezdesýinde jalǵyz gol soǵyldy. Ony portýgalııalyq komandadan Venderson Galeno Otavıo 94-mınýtta óziniń enshisine jazdy.

Osylaısha «Portý» qarsylasynan 1:0 esebimen basym tústi.

Taǵy bir kezdesýde «Napolı» (Italııa) men «Barselona» (Ispanııa) komandalary 1:1 esebimen teń tústi. Oıynda ıtalııalyq komandadan Vıktor Osımhen 75, Robert Levandovskı 60-mınýtta mergendigimen kózge tústi.

20 aqpanda óz alańynda Italııanyń «Interi» Ispanııanyń «Atletıko Madrıd» klýbyn 1:0 esebimen jeńse, Nıderlandtyń PSV komandasy men Germanııanyń «Borýssııa Dortmýnd» klýby 1:1 esebimen teń oınady.

Eske salsaq, budan buryn óz alańynda «Leıptsıg» (Germanııa) «Real Madrıd» (Ispanııa) klýbynan 0:1, «Kopengagen» (Danııa) «Manchester Sıtı» (Anglııa) klýbynan 1:3 esebimen jeńildi.

Al «Parı Sen-Jermen» (Frantsııa) «Real Sosedad» (Ispanııa) klýbyn 2:0, «Latsıo» (Italııa) «Bavarııa» (Germanııa) klýbyn 1:0 esebimen tize búktirdi.

Endi qaryma oıyndar 5,6, 11, 12 naýryz kúnderine belgilengen.