ASTANA. KAZINFORM – «Real» (Madrıd) klýby ÝEFA Chempıondar lıgasynda shırek fınalǵa shyǵý sany jóninen teńdessiz nátıjege qol jetkizdi.
Jýrnalıst ári ınsaıder Pedro Martınniń málim etkenindeı, koroldyq komanda óz tarıhynda qyrqynshy ret shırek fınalǵa joldama aldy.
«Real» sońǵy bes maýsym boıy qatarynan shırek fınalǵa ótip, sonyń ekeýinde jeńimpaz atandy.
Bul kórsetkish jóninen mıýnhendik «Bavarııa» ekinshi orynda tur, olar shırek fınalǵa 34 ret shyqqan. Katalonııalyq «Barselona» úshinshi satyda.
Italııalyq maman Karlo Anchelottı jattyqtyratyn «Real» 1/8 fınalda taǵy bir madrıdtik klýb «Atletıkony» penaltı serııasynda qapy qaldyrdy.
Ótken jyly osy týrnırde úzdik shyqqan madrıdtik klýb shırek fınalda londondyq «Arsenalmen» oınaıdy.
Eske sala keteıik, budan buryn aǵylshyn shabýylshysy Garrı Keınniń Chempıondar lıgasynda rekord ornatqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).