Alǵashqy mınýttan qos komanda birden shabýylǵa kóshti. Ekeýiniń de gol soǵatyn múmkindigi boldy. Dese de ony óz paıdasyna jarata alǵan joq.
Oıynnyń 6-mınýtynda ıspanııalyq klýbtan Hesýs Gordılo mergendik tanytsa, oǵan 8-mınýtta «Qaırat» sapynan Kaıo Rýıs bir golmen jaýap qaıyrdy. Al 18-mınýtta «Palma» sapynan Lýkas Mashado taǵy bir gol soqsa, 19-mınýtta Marıo Ravılos esepti ústemeleı tústi.
Qazirge deıin qarsylastar eki márte kezdesti. Chempıondar lıgasy toptyq kezeńinde 2022 jyly alǵashqy oıynda 2:2 esebimen teń tússe, 2023 jyly ıspanııalyq komanda 4:3 esebimen jeńiske jetti.
Almatylyq komanda buǵan deıin bul týrnırde 20 márte baq synap úlgerdi. Bul jóninen Eýropa qurlyǵyndaǵy klýbtar arasynda absolıýtti rekordty tirkedi. Olar 2012/13, 2014/15 jylǵy maýsymda Chempıondar lıgasynda jeńis tuǵyryna kóterilgen. Al «Palma» atalǵan týrnırde 2022/23, 2023/24 jyldary jeńimpaz boldy.
Aıta ketsek, 3-oryn úshin oıynda Portýgalııanyń «Sportıng» klýbyn 3:2 esebimen jeńgen Ispanııanyń «Kartahena» komandasy qola medal aldy.