Chempıondar lıgasy: «Barselona» «Bavarııaǵa» tórt jyl burynǵy jeńilistiń qarymtasyn qaıtardy

<p>ASTANA. KAZINFORM &ndash; Búgin ÝEFA Chempıondar lıgasy negizgi kezeńiniń úshinshi týrynyń ekinshi oıyn kúninde Ispanııanyń &laquo;Barselona&raquo; komandasy Germanııanyń &laquo;Bavarııasyn&raquo; tas-talqan etip jeńdi.</p>

Eki komanda buǵan deıin 13 márte kezdesip, onyń 3-de ıspanııalyq klýb jeńse, 1-ýi teń aıaqtalyp, qalǵanynda germanııalyq ujym basym túsken edi. 2020 jyly Chempıondar lıgasy shırek fınalynda «Bavarııa» atalǵan qarsylasyn 8:2 esebimen tize búktirgen edi. Ispanııalyq jankúıerler óz komandasynan sol ketken eseni qaıtarýdy suraǵan edi.

Oıyn barysynda «Barselona» qarsylasynan jınaqy qımyl kórsetti. Osynyń nátıjesinde olardyń qatarynan Rafınıa 1, 45, 56-mınýtta het-trık jasasa, taǵy bir goldy Robert Levandovskı soqty. Oǵan «Bavarııa» sapynan Garrı Keın 18-mınýtta bir golmen jaýap qaıyrdy.
Osylaısha ıspanııalyq klýb qarsylasyn 4:1 esebimen jeńip, týrnır kestesindegi jaǵdaıyn jaqsarta tústi.

Sondaı-aq bul kúni Anglııanyń «Manchester Sıtı» klýby chehııalyq «Sparta Pragadan» 5:0 esebimen basym tússe, portýgalııalyq «Benfıka» Nıderlandtyń «Feıenoordyna», ıspanııalyq «Atletıko Madrıd» Frantsııanyń «Lıll» komandasyna 1:3, shveıtsarııalyq «ıAng Boız» Italııanyń «Interine», Germanııanyń «Leıptsıgi» anglııalyq «Lıverpýlge» 0:1, avstrııalyq «Red Býll Zaltsbýrg» Horvatııanyń «Dınamo Zagrebine» 0:2 esebimen jol berdi.

Al «Atalanta» (Italııa) men «Seltık» (Shotlandııa) 0:0, «Brest» (Frantsııa) men «Baıer» (Germanııa) 2:2 esebimen teń tústi.

Eske salsau, 22 qazanda Chempıondar lıgasynda «Real Madrıd» «Borýssııa Dortmýndty» iri eseppen jeńdi.