Chempıondar lıgasy: «Aıat» Portýgalııanyń «Sportıng» komandasynan jeńildi

<p>Qazaqstandyq &laquo;Aıat&raquo; fýtzal klýby búgin fýtzaldan Chempıondar lıgasy negizgi satysynda ekinshi oıynynda Portýgalııanyń &laquo;Sportıng&raquo; komandasynan jeńildi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazaqstandyq klýb birinshi topta Portýgalııanyń «Sportıng», Horvatııanyń «Olmıssým» jáne Ýkraınanyń «Hıt» komandalarymen oınaıdy.

Búgingi kezdesýde portýgalııalyq klýb tájirıbeli ujym ekenin taǵy bir márte dáleldeı bildi.

Birinshi kezeńde olardyń qatarynan Zıkı — 9, Joao Matos — 10, Taınan — 11, 18, 21, Aleks Merlın — 15-mınýtta mergendik tanytty.

Oǵan «Aıat» sapynan Azat Valıýllın 12-mınýtta bir golmen jaýap qaıyrdy.

Osylaısha olar qarsylasyna 1:6 esebimen ese jiberdi.

Endi rýdnyılyq ujym 28 qazanda «Hıt» klýbymen kezdesedi.

Aıta ketsek, «Aıat» birinshi kezdesýinde horvatııalyq «Olmıssýmnan» jeńildi.

Dál qazir fýtzaldan Chempıondar lıgasy negizgi satysynda almatylyq ekinshi oıynynda «Qaırat» Lıýksembýrgtiń «Dıýdelanj» komandasymen kezdesip jatyr.