ASTANA.KAZINFORM - Fýtboldan áıelder arasyndaǵy UEFA Chempıondar lıgasy birinshi irikteý kezeńinde qazaqstandyq «Aqtóbe» alǵashqy oıynyn ótkizdi.
Aqtóbelik klýb jarystyń atalǵan satysynda Italııanyń «Roma» klýbymen sheberlik baıqasty. Kezdesý barysynda qazaqstandyq komanda qarsylasyna 0:2 esebimen jol berdi. Endi olar «Sparta» (Praga, Chehııa) men «Norshellann» (Farým, Danııa) jubynyń jeńimpazymen oınaıdy.
Al «Roma» atalǵan juptyń jeńimpazymen jasyl alańǵa shyǵady. Eki oıyn da 30 tamyzǵa belgilengen.
Al «Aqtóbe» 2014 jyldan beri el birinshiliginde baq synap júr. 2024 jyly kúmis júldeger atansa, 2018 jyly qola medal alǵan edi. Bıyl eýrokýbok oıyndaryna alǵash ret qatysyp otyr.
Aıta ketsek, budan buryn Chempıondar lıgasy: BIІK áıelder klýby «Katovıtse» komandasynan jeńildi.
Fınal 026 jyldyń mamyr aıynda Norvegııa astanasy Oslo qalasyndaǵy «Ýllevol» stadıonynda ótedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.