Chehııanyń sarapshylar qaýymdastyǵy Qasym-Jomart Toqaevtyń Joldaýyna joǵary baǵa berdi
Jıynǵa cheh qoǵamynyń, mádenıet, bilim jáne buqaralyq aqparat quraldary, sonymen qatar «Qazaqstan dostary klýbynyń» ókilderiniń qatysýymen dóńgelek ústel ótti, dep habarlaıdy QazAqparat Qazaqstannyń Chehııadaǵy elshiligine silteme jasap.
Qazaqstandyq dıplomattar is-sharaǵa qatysýshylardy Prezıdent Joldaýynyń negizgi qaǵıdattarymen, sondaı-aq eldiń saıası júıesin jańǵyrtý jónindegi reformalarmen jaqyn tanystyrdy.
Cheh sarapshylary Qazaqstandy odan ári demokratııalandyrý baǵytynyń jalǵasy bolyp tabylatyn Prezıdenttiń jańa saıası baǵdarlamasyna úlken qyzyǵýshylyq tanytty.
Atap aıtqanda, Parlament Senatynyń depýtaty ıA.Jaloýdık óz sózinde: «Joldaýda qoıylǵan mindetter olardyń aýqymdylyǵy men órshildigi turǵysynan mańyzdy bolyp kórinedi, men Qazaqstan Halqynyń Joldaý aıasynda qoıylǵan barlyq maqsattarǵa qol jetkize alatynyna senimdimin. Qazaqstan Prezıdentiniń kezekten tys saılaýyn ótkizý týraly usynystary ýaqtyly jáne respýblıka damýynyń qazirgi kezeńinde qajet. Cheh Parlamenti Senatynyń depýtaty retinde meni de qazaqstandyq tájirıbe qyzyqtyratyny sózsiz», - dep atap ótti.
Cheh Federaldy teledıdarynyń jýrnalısteri D.Vrestalova men D.Stomatova óz sózderinde: «Q. Toqaevtyń Joldaýynda batyl mindetter tur, Bilim berý, Densaýlyq saqtaý salasyndaǵy áleýmettik reformalardy odan ári damytý baǵdarlamasy aıqyndalǵan, Qazaqstan halqy olardy iske asyrýǵa batyl túrde daıyn ekenine senimdimiz. Qazaqstanda qalyptasqan saıası jańǵyrtý júıesi syndarly dıalog qurýǵa yqpal etedi jáne kóptegen áleýmettik-ekonomıkalyq mindetterdi sapaly oryndaý úshin qajetti qolaıly jaǵdaılar jasaıdy» -dedi.
Іs-shara sońynda QR Prezıdenti Joldaýynyń negizgi qaǵıdattary boıynsha syndarly pikir almasyldy.