Chehııalyq tennısshi Ýımbldon týrnıriniń chempıony atandy
Chehııalyq sportshy fınalda álemniń 6-raketkasy, týnıstik Ons Jabermen kezdesip, 6:4, 6:4 esebimen basym tústi.
Ortalyq korttaǵy match 1 saǵat 20 mınýtqa sozylyp, M.Vondroýshova eıs jasamaǵanymen, 7 breık-poınttyń altaýyn paıdalandy. Týnıstik tennısshi 1 eıspen birge 10 breık-poınttyń tórteýin ǵana óz esebine jazdy.
Osylaısha, chehııalyq sportshy sporttyq jolynda alǵash ret «Úlken dýlyǵa» jarysynyń jeńimpazy atandy. Ol dúısenbide jańartylatyn álemdik reıtıngte 10-orynǵa kóteriledi.
Al Ýımbldonda ekinshi jyl qatarynan fınalǵa shyqqan O.Jaberdiń taǵy da joly bolmady. Ol ótken jyly qazaqstandyq Elena Rybakınaǵa ese jibergen edi. Eger bıyl Ons Jaber chempıondyq tuǵyrǵa kóterilse, reıtıngte E.Rybakınany yǵystyryp, 3-satyǵa shyǵar edi. Endi ekeýi de óz oryndarynda qalady.
Eske sala keteıik, budan buryn Andreı Golýbevtiń juptyq synda Aýstrııadaǵy týrnırdiń fınalyna shyqqanyn jazǵan bolatynbyz.
Sondaı-aq 15 jasar Zara Dárken alǵash ret WTA 250 týrnırinde oınaıdy.
Novak Djokovıch toǵyzynshy ret Ýımbldon fınalyna shyǵyp, rekord ornatty.
Foto - Chempıonat.kom