Chehııadan kelgen magıstrant qazaq ádebıetin oqyp júr
Bul týraly QazAqparat QR Ǵylym jáne joǵary bilim mınısrliginiń baspasóz qyzmetine silteme jasap habarlaıdy.
Baspasóz qyzmetiniń málimetterine qaraǵanda, akademııalyq utqyrlyq baǵdarlamasy boıynsha Chehııadan kelgen magıstrant Pavlodar joǵary oqý ornyn ózi tańdaǵan. Munda ol «Azıatıstıka boıynsha mamandanǵan qytaı tili men mádenıeti» mamandyǵy boıynsha úsh aılyq oqýdan ótedi. Sonymen qatar, ıAn Brzobogaty HH ǵasyrdaǵy qazaq ádebıetin zertteý jaıly sheshim qabyldady. Atap aıtqanda, Sábıt Muqanov pen Sáken Seıfýllınniń shyǵarmalaryna qyzyqqan.
«Biz Eýropadan kelgen stýdentter men magıstranttardyń óz baǵytynda jańa bilim alý jáne Qazaqstan mádenıetin zertteý úshin ToU-dy tańdaǵanyna óte qýanyshtymyz. Biz árqashan sheteldik qonaqtar úshin ashyqpyz jáne olarǵa oqýda da, kúndelikti ómirde de kómektesýge daıynbyz. Búgingi tańda bizdiń ýnıversıtet shetelde tanymal bola bastady. Bul bolashaqta basqa elderden keletin stýdentter men magıstranttar aǵyny ósetinin bildiredi», – dep atap ótti JOO rektory Erkin Sadyqov.
ToU jáne Palatsk ýnıversıteti 2014 jyldan beri seriktes. Bul yntymaqtastyq professorlardyń qonaq dáristerin jáne stýdentterdiń ekijaqty ǵylymı taǵylymdamalaryn qamtıdy. Jalpy, Toraıǵyrov ýnıversıteti 100-den astam joǵary oqý ornymen seriktes.
«Aıta ketsek, tek 2022 jyly bizde Nıgerııa, Qytaı, Mońǵolııa, Reseı, Germanııa, Ózbekstan, Ázerbaıjan, Ýkraına, Izraıl, Grýzııa, Aýǵanstan, Irak jáne t. b. elderden 239 sheteldik stýdent turaqty negizde oqydy»,-delingen habarlamada.
Foto: t.me/gylym_jogary_bilim