Chehııadaǵy atys: Elde aza tutý kúni jarııalandy

<p>Polıtsııa Karlov ýnıversıtetindegi qaıǵyly oqıǵa qurbandarynyń kim ekenin anyqtady. Oq jaýdyrǵan adam ózine qol jumsaǵan. Onyń taǵy birneshe ólimge qatysy bolýy múmkin. Jaralanǵan 25 adamnyń qatarynda úsh sheteldik bar. <a href="https://kaz.inform.kz/" target="_blank" rel="noopener">Kazinform</a> bul týraly &nbsp;<a href="https://ru.euronews.com/2023/12/22/prague-attack-reax" target="_blank" rel="noopener">Euronews</a>-ke silteme jasap habarlaıdy.&nbsp;</p>

«Polıtsııa Karlov ýnıversıtetiniń Fılosofııa fakýlteti ǵımaratynda bolǵan atys qurbandarynyń kim ekenin anyqtady», - dep málimdedi juma kúni pragalyq polıtsııa basshysy Petr Mateıchık. Ol oq atqan adam ózine qol salǵanyn atap ótti.

Óltirilgen adamnyń bári – Chehııa azamattary. Mýzyka ǵylymdary ınstıtýty oqý ornynyń dırektory Lenka Glavkova mert bolǵanyn rastady. 25 adam, onyń ishinde úsh sheteldik – Birikken Arab Ámirlikteriniń eki, Nıderlandtyń bir azamaty jaralandy.

Oq jaýdyrý sebebi ázirge habarlanǵan joq. Biraq onyń lańkestik uıymdarmen baılanysy joq ekeni aıtyldy. Polıtsııa ol jalǵyz áreket etti degen qorytyndyǵa keldi.

Chehııa polıtsııasy eldegi mektep pen basqa da qoǵamdyq oryndardyń kúzetin kúsheıtti, al pragalyq Karlov ýnıversıteti lektsııa men is-sharanyń bárin toqtatty. Adamdar ýnıversıtettiń daǵdarys shtaby uıymdastyrǵan memorıalǵa qurbandardy eske alyp gúl shoqtaryn qoıyp, maısham jaǵyp jatyr.

Qasym-Jomart Toqaev Praga qalasynda bolǵan qaıǵyly oqıǵaǵa baılanysty Cheh Respýblıkasynyń Prezıdenti Petr Pavelge kóńil aıtty.

Chehııa bıligi Praga ýnıversıtetinde oq jaraqatynan kóptegen adamnyń qaza bolýyna baılanysty senbi, 23 jeltoqsandy memlekettik qaraly kún dep jarııalady. Bul týraly eldiń premer-mınıstri Petr Fıala aıtty.

Buǵan deıin habarlaǵanymyzdaı, 21 jeltoqsan kúni keshke Pragada ornalasqan Karlov ýnıversıtetinde 24 jastaǵy stýdent qarýdan oq jaýdyrdy. Ol oqý ornyna ózdiginen oqtalatyn vıntovkamen kelip, aýdıtorııadaǵy stýdentter men tereze túbinde júrgen adamdarǵa oq ata bastaǵan.

Saldarynan 14 adam qaza tapty, taǵy 25-i jaraqat aldy. Dárigerlerdiń sózinshe, 11 adamnyń jaǵdaıy aýyr. Polıtsııa málimetinshe, qarýly stýdenttiń kózi joıyldy.