Chehııada Prezıdent saılaýy ótip jatyr

PRAGA. QazAqparat – Búgin Chehııada prezıdent Mılosh Zemannyń ornyna keletin jańa prezıdentti saılaıdy. Jańaı prezıdent naýryzda qyzmetine kirisedi, dep habarlaıdy QazAqparat BBC News-ke silteme jasap.

Chehııanyń burynǵy premer-mınıstri Andreı Babısh pen NATO-nyń otstavkadaǵy generaly Petr Pavel arasyndaǵy saılaýdyń ekinshi týry ótedi. Pavel qarsylasynan edáýir ozyp kele jatqan sııaqty.

Pavel de, Babısh te prezıdent saılaýynyń ekinshi kezeńine segiz kandıdattyń – jeti erkek pen bir áıeldiń arasynan ótken.

Osy aptada kandıdat Paveldiń qaıtys bolǵany týraly jalǵan aqparat taraǵan. Kandıdattyń resmı veb-saıtynyń kóshirmesinde Paveldiń júrek aýrýynan qaıtys bolǵany týraly aqparat paıda bolǵan. Qazir, onyń aıtýynsha, bul máselemen polıtsııa aınalysyp jatyr.

Al, Babıshke osy aptada belgisiz adam óltiretinin aıtyp, qoqan-loqqy jasaǵan.

Paveldiń platformasy Chehııa Respýblıkasynyń Eýropalyq Odaq pen NATO-men baılanysyn saqtap qalady. Ol Ýkraınaǵa ári qaraı áskerı kómek kórsetýge bel býyp otyr. Ol eýrony engizýdi jáne progressıvti saıasatty qoldaıdy.

Saılaý nátıjesi senbi kúndiz jarııalanady.

Foto: REUTERS