Chehııada naızaǵaıdan zardap shekkender sany 18-ge jetti

<p>ASTANA. KAZINFORM &ndash; Chehııanyń soltústigindegi Lıberets qalasynda naızaǵaıdan zardap shekkenderdiń sany qazirdiń ózinde 18 adamǵa jetken. Onyń ishinde eki jastan on alty jasqa deıingi 9 bala bar. Olar túrli jaraqatpen aýrýhanada jatyr.</p>

Jergilikti STK agenttiginiń habarlaýynsha, keıbir zardap shekkenderdiń jaǵdaıy «aýyr» dep baǵalanyp, olarǵa shuǵyl ota jasaýǵa týra kelgen. Bir kishkentaı bala tikushaqpen Praganyń Motol aýrýhanasyna jetkizildi.

«Demalys kúnderi jaýǵan nóser jańbyr Chehııanyń ońtústik-batysyndaǵy ózenderdiń deńgeıin kóterdi. Radbýza ózeniniń sý deńgeıi kóterilip, Stankov men Domajlıtsko óńirinde sý tasqynynyń qaýipti kezeńi týyndady», - dep habarlady jergilikti agenttik.

Esterińizge salsaq, 2 maýsymda keshki ýaqytta saıabaqta balalar merekesi ótip jatqan kezde balalarǵa naızaǵaı túsken bolatyn. Polıtsııa 15 adam jaralanǵanyn tirkegen edi.