Chehııada qatty quıyn soǵyp, 300-ge jýyq adam zardap shekti

NUR-SULTAN. QazAqparat – Chehııanyń ońtústik-shyǵysynda Slovakııa men Avstrııanyń shekarasyna jaqyn jerde qatty tornado bolyp, birneshe eldi mekendegi úıler qırap qaldy. Tabıǵı apattan kem degende 300-ge jýyq adam zardap shekti, dep habarlaıdy QazAqparat BBC-ge silteme jasap.

Oqıǵa bolǵan aýmaqta qutqarýshylar zardap shekkenderge shuǵyl kómek kórsetip, úıindiler asynan adamdardy izdestirýde.

Zardap shekken aýdandarda tótenshe jaǵdaı jarııalandy.

«267-322 km/saǵ. jyldamdyqpen soqqan jel Chehııanyń Godonın qalasynyń bir bóligi men jaqyn mańdaǵy aýyldar – Lýjıtse, Grýshkı, Moravska Nova Ves jáne Mıkýlchıtsendi qıratqan. Ókinishke oraı, qurbandar bar ekenin rastaımyz, alaıda olardyń naqty sanyn ataı almaımyn», - dedi jýrnalısterge jedel járdem qyzmetiniń ókili Gedvık Kropachkov.

Chehııanyń ІІM men Densaýlyq saqtaý mınıstrliginiń derekterine qaraǵanda, 300-ge jýyq adam zardap shekken.

Jelide taraǵan aqparattarǵa qaraǵanda, keıbir aýyl úıleriniń shatyry ushqan, jel avtokólikterdi aýdaryp, aǵashtardy tamyrymen julyp áketken. Ǵımarattarǵa 10 santımetrlik burshaq jaýǵan.

Chehııada barlyǵy 120 myń úı elektr jaryqsyz qalǵan.