Chehııada balalar arasynda koronavırýstyń ońtústik-afrıkalyq shtamy taralyp jatyr
Koronavırýstyń ońtústik-afrıkalyq shtamy balalar men jasóspirimderge úlken qaýip tóndiredi. Medıtsınalyq sarapshylar balabaqshalardy jaýyp, orta mektepterdiń bastaýysh synyptarynda oflaın (kúndizgi) oqýǵa tyıym salý qajet dep sanaıdy. El bıligi juma kúni tıisti sheshim qabyldaıdy dep kútilýde.
El aýrýhanalarynda 15 jasqa deıingi aýrýhanaǵa jatqyzylǵan naýqastar sany artyp keledi.
Chehııada indet bastalǵannan beri aýrý juqtyrǵandardyń jalpy sany 1 212 780 boldy. Infektsııanyń asqynýynan 10,46 mln turǵyny bar respýblıkanyń 19 999 turǵyny qaıtys boldy. 5 qazannan bastap respýblıkada 2020 jylǵy 12 naýryz ben 17 mamyr aralyǵynda áreket etken tótenshe jaǵdaı rejımi qalpyna keltirildi. Munda maskalyq rejım jáne qatań áleýmettik shekteýler, sonyń ishinde shuǵyl qajettiliksiz túnde úıden shyǵýǵa tyıym salynǵan.