Chehııa koronavırýs naýqastaryn kórshi elge jiberedi

NUR-SULTAN. QazAqparat – Portýgalııa lokdaýnnan shyqty. Parıjdiń jansaqtaý bólimderi lyq toldy. Chehııa koronavırýs naýqastaryn kórshi memleketke jiberýde, dep habarlaıdy QazAqparat.

Birte-birte Portýgalııa eki aılyq «lokdaýnnan» qalypty ómirge orala bastady. Eger eldegi epıdemıologııalyq jaǵdaı nasharlamasa, aldaǵy jeti apta ishinde shekteýlerdi birte-birte alyp tastaý josparlanýda. Qazir elde balabaqshalar, shashtarazdar, kitap dúkenderi ashyla bastady.

Frantsııa úkimetiniń málimetinshe, Parıjdegi reanımatsııa bólimsheleri 95% toldy. Qazirgi ýaqytta búkil elde keshki saǵat 6-dan bastap komendanttyq saǵat engizildi. Al keıbir ońtústik pen soltústiktiń bólimderinde demalys kúnderi tolyq «lokdaýn» bolady.

Chehııa bıligi KVI patsıentterin Polshaǵa emdelýge jiberý týraly sheshim qabyldady. Sebebi jergilikti aýrýhanalarda oryndar azaıdy. Aýrýdyń ósýin azaıtý úshin Chehııada ótken dúısenbiden bastap mektepter men kóptegen dúkender jabyldy. Chehııa Eýropadaǵy syrqattanýshylyq deńgeıi boıynsha kósh bastap keledi - sońǵy 14 kúnde bir mıllıon adamǵa shaqqanda 15 myń naýqas tirkelgen.