Chatta jalǵan aqparat taratyp, alańǵa shyǵýǵa májbúr etti - páter kezeginde turǵan elordalyq
Negizgi suraqtar turǵyn úı baǵdarlamalaryna qatysý, jumysqa ornalasý, balalardy bilim berý mekemelerine aıqyndaý, bilim alý jáne t. b. qatysty boldy.
Ákimniń azamattardy jeke qabyldaýy barysynda áıelder messendjerde birneshe chattarda turatynyn atap ótti. Chattaǵy admın turǵyn úıge kezekte turý týraly jalǵan aqparat taratqan.
«Chatta eger biz alańǵa shyqpasaq, bizdi toptan shyǵaratyndaryn jáne de budan bylaı esh turǵyn úı baǵdarlamasyna qatysa almaıtyndyǵymyz týraly aıtyldy. Kezekke sáıkes páter berilmeıtindigi týraly da aıtyldy. Sol kúni balam aýyryp, alańǵa shyqpadym. Alańǵa shyqpaǵanyma qýanamyn. Olar bizdi paıdalana otyryp, óz máselelerin zańsyz jolmen sheshkisi keldi. Sodan keıin admın chattan shyǵyp ketti. Qazir messendjerlerde taratylatyn aqparatqa senbeımiz, barlyq aqparatty durystap tekseremiz. Óıtkeni, eshkim kezekten tys baspana ala almaıdy», - dedi qala turǵyny.
Qabyldaýǵa kelgenderge naqty aqparatty tek memlekettik organdardan jáne «Januıa» otbasy ınstıtýtyn qoldaý ortalyǵynda alýǵa bolatyny aıtyldy. Azamattardy qabyldaý júıeli túrde aýdandyq ákimdikterde jáne «Januıa»otbasy ınstıtýtyn qoldaý ortalyǵynda ótedi. Ortalyqta «bir tereze»qaǵıdaty boıynsha 70-ten astam memlekettik qyzmet kórsetiledi. Qala ákimi Altaı Kólginov erekshe qajettiligi bar balalardyń ata-analarymen kezdesti. Kezdesýde baspana, ońaltý ortalyqtarynan em alý men ınvataksı jetispeýshiligi boıynsha máseleler kóterildi.
Elorda ákimi A.Kólginov múmkindigi shekteýli balalary bar analardyń suraqtaryn muqııat tyńdap, jaǵdaıdy bylaısha túsindirdi: - Birinshiden, baspana máselesi óte kúrdeli. Qalamyzda turǵyn úıge suranys óte joǵary. Osy máseleni eskerip, Memleket basshysy qoljetimdi baspana burynǵydan úsh ese kóp salýdy tapsyrdy. Ákimdikte úı kezegi qatań saqtalady. Ózgelerge kezeksiz sheship berdi degen qaýesetke senbeńizder. 47 600 adam úı kezeginde tur. Kezeksiz úı berilse, zańǵa baǵynyp kezegin kútip otyrǵan azamattardyń quqyǵyn qalaı aıaq asty etemiz? Sondyqtan barlyǵyn zań aıasynda qarastyramyz. Naqty aıtarymyz - bir kúnde baspana máselesin sheshemiz dep qurǵaq ýáde bermeımiz. - Ekinshiden, qalamyzda eki birdeı ońaltý ortalyǵy salynady. Bireýi memleket qarjysyna, ekinshisi jeke ınvestor esebinen ashylyp, sizderdiń balalaryńyzǵa qyzmet kórsetedi. Sonymen qatar, ıppodromnyń aýmaǵynda ıppoterapııa ortalyǵy boı kóteredi. Bul sizderdiń balalaryńyz úshin úlken qoldaý bolady. - Úshinshiden, suranysqa sáıkes qalamyzda ınvataksılerdiń sanyn kóbeıtemiz. - Tórtinshiden, erekshe qajettiligi bar balalaryńyzdy arnaýly balabaqshalarǵa ornalastyrýǵa kómektesemiz. - Besinshiden, sizderdiń máselelerińizdi sheshýden bas tartpaımyz. Ózderińiz sııaqty azamattar qabyldaýymyzda jıi bolady. Jaqynda Prezıdenttiń tapsyrmasyna sáıkes «Januıa» otbasy ınstıtýtyn qoldaý ortalyǵyn ashtyq. Sol ortalyqta suraqtaryńyzdyń bárine jaýap tabasyzdar. Biz de sol jerde turaqty qabyldaýlar ótkizemiz, - dedi A.Kólginov. 21-23 qyrkúıek aralyǵynda elorda ákimi A. Kólginov azamattardy 68 adamdy jeke qabyldady. Úsh aıdan az ýaqyt ishinde elorda ákimi 445 adamdy qabyldady.