Chapaı-Jańaqala-Saıqyn baǵytyndaǵy jol qurylysy jalǵasady

<p>ORAL. KAZINFORM &ndash; Batys Qazaqstan oblystyq mańyzy bar Chapaı-Jańaqala-Saıqyn 130-191 shaqyrym, jalpy uzyndyǵy 61 shaqyrym avtomobıl jolyn qaıta jańǵyrtý jumystary bıylǵy jyly jalǵasyn tabatyn bolady.</p>

Batys Qazaqstan oblysynyń jolaýshylar kóligi jáne avtomobıl joldary basqarmasynyń málimetinshe, búgingi kúnge deıin 13,1 shaqyrym jolǵa asfalt jabyny tóseldi.

Atalǵan nysanda jumystardy jalǵastyrý úshin bıyl jergilikti bıýdjetten 1,4 mlrd teńge qarjy bólinip, qazirgi kezde daıyndyq jumystary júrgizilýde.

Bıyl jospar boıynsha 15 shaqyrym jolǵa asfalt jabynyn tóseý kózdelgen.

Sonymen qatar, «Chapaı-Jańaqala-Saıqyn 307-337 shaqyrym» avtomobıl jolyn kúrdeli jóndeý jumystaryna konkýrstyq rásimder júrip jatyr. Merdiger uıym anyqtalǵan soń, nysanda josparǵa sáıkes jumystar bastalatyn bolady.