CHANGAN-nyń jańa energııasy: Jibek jolyna arnalǵan elektromobılder
Budan týra 10 jyl buryn 2013 jyly 7 qyrkúıekte QHR tóraǵasy Sı Tszınpın Astanaǵa kelgen sapary kezinde Qazaqstanǵa Jibek jolyn qaıta jańǵyrtý jáne aımaqtyq yntymaqtastyqty damytý boıynsha jahandyq bastamaǵa qatysýǵa usynys jasaǵan bolatyn.
Qazan aıynda Pekınde joba sheńberinde 3-shi halyqaralyq forým ótedi, al 10 jyldyqqa oraı Qytaıdyń tanymal medıa quraldary Sınhýa jáne China Daily Astanada – baǵdarlama iske qosylǵan núktede forým uıymdastyrdy, 10 jyl burynǵydaı kezdesý Nazarbaev Ýnıversıtetinde ótti.
Forým qatysýshylary men qonaqtaryna sóılegen sózinde Qazaqstannyń memlekettik keńesshisi Erlan Qarın: «10 jyldyń ishinde «Bir beldeý – bir jol» ózara is-áreket júrgizýdi is júzinde júzege asyrýdyń júıesine aınaldy, al Qazaqstan bul bastamany júzege asyrýda óte mańyzdy ról atqaryp jatyr. «Bir beldeý – bir jol» sondaı-aq ınfraqurylymdyq jáne logıstıkalyq áleýetti damytýǵa jáne ulǵaıtýǵa yqpal etti... Búginde bastamaǵa qatysyp otyrǵan árbir el ony júzege asyrýdyń is júzindegi nátıjelerin sezinip jatyr»,– dep atap ótti.
Sınhýa AA tarıhı sátti – «Bir beldeý – bir jol» jobasynyń bastalýyn, qazirgi kúıin jáne perspektıvalaryn jazyp alýǵa sheshim qabyldady. Jýrnalıster men operatorlardan quralǵan komanda Jibek jolynyń baǵytymen ótetin attas jahandyq týrǵa jolǵa shyqty, al aıaldaý núkteleri – baǵdarlamaǵa qatysýshy elderdiń qalalary.
Búgingi kúnniń ahýalynda «Bir beldeý – bir jol» búkil baǵdarlamalarynyń quramyna «jasyl» element kiredi – sol sebepti Sınhýa AA komandasy óz saıahatyna Qytaıdyń tórt alpaýyt avtokontserniniń biri – Changan Automobile elektrkarlarynan quralǵan avtopoıyzben shyqty.
«Іleskish flot» shilde aıynda Chýntsın qalasynan bastap jol tartqan bolatyn. Changan kontserniniń halyqaralyq naryqtar jónindegi dırektory Song Shýannyń sózinshe «UNI-K iDD jáne Deepal S7 avtokólikteri tilshiler tobyna jol-jónekeı kúshti qorǵanysty qamtamasyz etedi. Myń jyl buryn Jibek jolyndaǵy kerýenderge saýyt-saımanyn asynǵan kúzet erip júretin, al endi «jańa qýatpen» júretin Changan avtokólikteri ilesedi».
Barlyq modelder «Asa qashyq sapar», «Intellektýaldy júrgizý», «Senimdilik jáne tózimdilik» sekildi ekstrımge qatysty negizgi ishki synaqtardan sátti ótti. Al endi Jańa Jibek Jolynyń ıntegratsııalaný tarıhyn zertteý jáne qytaılyq ıntellektýaldy elektrmobılderdi sheteldegi tanystyrý kartasyna aınaldyrý úshin «Beldeý men joldyń» elderimen jáne on jyl ishindegi damý mejeleriniń ústimen tarıhtaǵy eń aýqymdy deýge bolatyn test-draıvtan ótip jatyr.
Aıta ketý kerek, Changan Automobile Qazaqstanda tek dıplomattyq kezdesýlermen shektelgen joq. Kontsern qytaılyq jýrnalısterge óziniń qazaqstandyq seriktesterin tanystyrdy.
Changan kontserniniń TMD elderi boıynsha aımaqtyq dırektory Lıan Pen:
«Changan Automobile jańa tehnologııalar men ónimderdi jahandyq paıdalanýshylarǵa jetkizý úshin árdaıym óziniń sheteldik naryqtardaǵy, ásirese «Beldeý men jol» elderindegi damýyna kóp mán berip keledi. Qazaqstannyń turaqty naryǵy jáne kúshti damý áleýeti bar, biz 2022 jyly «Astana Motors» kompanııasymen yntymaqtastyqty bastaǵaly beri jaqsy naryqtyq kórsetkishterge qol jetkizdik. Bizdiń eń úlken ári strategııalyq mańyzy bar birlesken jobamyz – 2025 jyly Qazaqstanda Changan avtokólikteriniń óndirisin iske qosý. Qazir zaýyttyń qurylysy júrip jatyr. Birinshi kezeńde Changan avtokólikteriniń úsh modeli óndiriletin bolady – dánekerleý jáne boıaý jumystarymen 100% CKD, óndiris ishinara robottandyrylǵan. Munyń bári Qazaqstannyń ındýstrııalanýyn damytýǵa múmkindik beredi».
Túsirý toby Changan dılerlik ortalyǵyna bas suqty, bul jerde Song Shýan myrza jaqyn aradaǵy eksporttyq perspektıvalar týraly – Qazaqstan naryǵyna Alsvin modeliniń – B synypty qoljetimdi sedannyń jáne C synypty jańa SUV krossoveriniń shyǵatyny jaıly aıtyp berdi. Sonymen birge sertıfıkattaý rásim aıaqtalǵan sátte Qazaqstanǵa keńeıtilgen júris qory bar elektrkrossover – Deepal S7 de keletin bolady. Ol batareıany zarıadtaýǵa arnalǵan qýaty 95 attyń kúshine teń 1,5 lıtrlik atmosferalyq motormen jáne artqy osindegi 238 attyń kúshi bar qozǵaltqyshymen jabdyqtalady. Deepal S7 taza elektr qýatymen 200 km-ge deıin, al gıbrıdtik rejımde 1120 km-ge júrip óte alady.
Qazaqstannyń da Jibek jolyn «jasyldandyrýǵa» qosylǵanyn atap ótken jón. 2029 jylǵa qaraı eldiń barlyq iri qalalarynda elektrli zarıadtaý stantsııalarynyń júıesin damytý boıynsha jol kartasy qabyldanyp qoıdy. Qazaqstandaǵy ınfraqurylymdy jobalaýǵa jáne damytýǵa jáne elektrmobılderge arnalǵan zarıadtaý jabdyqtaryn óndirýge qoıylatyn normatıvtik-tehnıkalyq talaptar, sondaı-aq elektrmobılderge arnalǵan zarıadtaý stantsııalaryna degen qajettilik pen olardy ornalastyrý oryndary aıqyn anyqtalatyn bolady