«Tsesnabanktiń» aty Jýsan Bank bolyp ózgerdi
«Uly dalanyń oıanýy men jańarýynan belgi beretin jýsannyń hosh ısin bárimiz bilemiz. Shyndyǵynda, ol bizdiń Otanymyzdyń ısi. Bizdiń banktiń qazaq latyn álipbıindegi aty qundylyqtarymyzdy órnekteıdi», - deıdi banktiń basqarma tóraǵasy Bekjan Pirmatov.
Rebrendıng týraly sheshim banktiń jańa bıznes strategııasy aıasynda qabyldanǵan. Bıyl jyl boıy syrtqy jarnama elementteri almastyrylyp, Jýsan Bank logotıpi men banktiń jańa ónimderi jazylady.
«Biz tranzıttik kezeńnen sátti óttik. Bankti tolyq saýyqtyryp, básekege tózimdi jańa nesıe ónimderin shyǵardyq. 1 sáýir kúngi derek boıynsha, bank lıkvıdtigi joǵary aktıvterdiń úlesi boıynsha naryq kóshbasshylarynyń úshtigine kiredi», - dedi B. Pirmatov.
Eske sala keteıik, 2019 jyly aqpan aıynda «Nazarbaev Ýnversıteti», «Nazarbaev Zııatkerlik mektebi» avtonomdyq uıymdarynyń qarjylyq holdıng kompanııasynyń ınvestıtsııalyq bólimshesi «First Heartland Securities» AQ «Tsesnabank» AQ qarapaıym aktsııalarynyń 99.5%-yn satyp alǵan bolatyn.