Cerik Temirjanov Azııa chempıonatynda kúmis medal aldy

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Cerik Temirjanov kúmis medal aldy, dep habarlaıdy QazAqparat tilshisi.

Qurlyqtyq dodada 57 kelide synǵa túsken Cerik Temirjanov fınalda ózbekstandyq Abdýmalık Halokovke ese jiberdi.

Aıta ketsek, budan buryn el quramasynan Sanjar Táshkenbaı (48 keli) japonııalyq Aratake Kadzýmadan basym tústi. Osylaısha, ol Azııa chempıony atandy.

Al, Sáken Bıbosynov (51 keli) ózbekstandyq Hasanboı Dýsmatovtan jeńilip qaldy. Nátıjesinde kúmis medaldi qanaǵat tutty.

Aıta ketsek, 2021 jyly Serbııa astanasy Belgrad qalasynda ótken álem chempıonatynda Sáken atalǵan qarsylasyn qapy qaldyryp ketken bolatyn.

Endi el quramasynan taǵy alty boksshy altyn medal úshin sharshy alańǵa shyǵady.

Foto: sports.kz