Cemeıde bıyl 46 aýla abattandyrylmaq
Abaı oblysy ákiminiń orynbasary Dımıtrıı Garıkov Semeı qalasyndaǵy aýla aýmaqtaryn jóndeý, abattandyrý, jylýmen jabdyqtaý nysandaryn jóndeý jumystarynyń barysymen tanysty. 2024 jyly qalanyń 46 aýla aýmaǵy men 4 qoǵamdyq keńistikti abattandyrý josparlanǵan. Onyń ishinde halyq qatysatyn bıýdjet boıynsha 14 aýla abattandyrylady.
«Aýla aýmaǵyn abattandyrý jumystaryna jaıaý júrginshiler jolynyń trotýarlaryn aýystyrý, kóshelerdi jaryqtandyrý, fýtbol, sport alańdaryn, shaǵyn sáýlet nysandaryn ornatý, gúlder men kóshetterdi otyrǵyzý kiredi. Qazirgi ýaqytta abattandyrý jumystary júrgiziletin aýla aýmaqtary komıssııa sheshimimen anyqtaldy. Komıssııa quramyna jekelegen bólimder basshylary, depýtattyq korpýs, qoǵamdyq keńestiń ókilderi engen», - dep habarlady Abaı oblysy ákimdiginen.
Semeı qalasynyń aýmaǵyn kútip-ustaý jumystary sheńberinde eskertkishterge, shaǵyn sáýlet nysandaryna, sport, balalar oıyn alańdaryna jóndeý júrgizý, gúlzarlar salý, eskertkishter men sýburqaqtardy kútip-ustaý josparlanýda.
«Osy jyly 37,9 shaqyrym jylý jelisin jańǵyrtý, 10 jylý kózin jóndeý boıynsha 15 jobany iske asyrý kózdelip otyr. Jyl qorytyndysynda josparlanǵan jobalardy iske asyrý nátıjesinde, Abaı oblysynda jylý jelileriniń tozýy 64,2%-dan 56,4%-ǵa deıin tómendeıdi dep kútilýde. Budan basqa, memorandýmdar sheńberinde 7 jylý kózin, 3 jylý jelileri ýchaskesin jáne 32 jylý jelileri bar TsTP qaıta qurý men salýǵa jobalyq-smetalyq qujattama ázirlenýde», - delingen aqparatta.
Osylaısha, merdiger uıymdarǵa jáne oblys ákimdiginiń basqarmalaryna protsesti baqylaý, barlyq jumysty belgilengen merzimde aıaqtaý jóninde tıisti tapsyrmalar berildi.