Tselınograd aýdanynda «Jastar jylyn» bastap ketti - Aqmola oblysy
Aıta keteıik, Elbasy Nursultan Nazarbaevtyń 5 qazandaǵy «Qazaqstandyqtardyń əl-aýqatynyń ósýi: tabys pen turmys sapasyn arttyrý» atty Joldaýynda 2019 jyldy «Jastar jyly» dep ataýdy usynyp, úlken senim artyp, jastar men otbasy ınstıtýtyn keshendi qoldaý - memlekettik saıasatynyń basymdyǵyna aınalýy qajettigin atap ótken bolatyn.
Tselınograd aýdandyq mádenıet úıinde aımaqtyń belsendi jastary bas qosqan forýmdy aýdan ákimi Malǵajdar Tátkeev memleket óz kezeginde bilim berý, densaýlyq saqtaý, ǵylym, shaǵyn jáne orta bıznesti damytý, mádenıet pen sportty qosa alǵanda, ártúrli salalarda qamqorlyq pen qoldaý kórsetip otyrǵanyn atap ótti.
«Elimizdiń jetken jetistikterine jastardyń qosyp otyrǵan úles zor. Tselınograd aýdanynda da belsendi jastar az emes. Jalpy, jastar saıasaty sheńberinde júzege asyrylyp jatqan barlyq is-sharalar memlekettiń damýyna baǵyttalǵan», - dedi aýdan ákimi.
Forýmda talqylanǵan negizgi taqyryptar kúni keshe jarııalanǵan Elbasynyń «Uly dalanyń jeti qyry» atty maqalasy, jastar saıasatynyń júzege asyrylýy men ózge de ózekti máselelerdiń tıimdi tetikteri men olardyń sheshý joldaryn qarastyrdy.
Sonymen qatar, jıynda Tselınograd aýdandyq máslıhatynyń depýtaty Indıra Sábenova, halyqaralyq jýrnalıster odaǵynyń múshesi Jarqynbek Jumádil, «100 jańa esim» jobasynyń qatysýshysy Aıtmuhamed Qalmahanov, «Zerde» QQ tóraıymy Samal Mýsına, aýdandyq debat klýbynyń jetekshisi Jasulan Mýzarapshın baıandama jasap, aýdan jastaryn belsendi bolýǵa shaqyrdy.
Sharada aýdannyń áleýmettik-qoǵamdyq ómirinde belsendilik tanytyp, jastar saıasatynyń damýyna eleýli úles qosyp júrgen birqattar jastar aýdan ákimi atynan marapattaldy. Jastar forýmynyń sońy jastardy Elbasy Joldaýyn qoldaýǵa shaqyrǵan úndeýmen aıaqtaldy. Forýmnyń sońy aýdan ónerpazdarynyń kontserttik baǵdarlamasyna ulasty.