CAFA Futsal Championship 2025 týrnıri Dýshanbede ótedi

<p>DÝShANBE. KAZINFORM &ndash; Ortalyq Azııa fýtbol qaýymdastyǵy bıyl óziniń on jyldyǵyn atap ótedi, dep habarlaıdy <a href="https://khovar.tj/rus/2025/01/v-dushanbe-projdet-chempionat-cafa-2025-po-futzalu-sredi-zhenskih-sbornyh/" target="_blank" rel="noopener">Hovar agenttigi</a> Tájikstan fýtbol federatsııasyna silteme jasap.</p>

Dýshanbede Ortalyq Azııa fýtbol qaýymdastyǵynyń muryndyq bolýymen 2025 jylǵy maýsymdaǵy alǵashqy týrnır, fýtzaldan áıelder quramalary arasynda CAFA Championship ótedi.

Týrnır 7-17 aqpan aralyǵynda Dýshanbe kópfýnktsıonaldy sport kesheni – Tennıs jáne sý sporty saraıynda ótýi josparlanǵan.

CAFA-2025 chempıonatyna qatysýshylardyń quramy men týrnırdiń formaty keıinirek anyqtalady.

Aıta keteıik, áıelder ulttyq quramalary arasyndaǵy fýtzaldan CAFA chempıonaty tórtinshi ret uıymdastyrylmaq. Týrnır 2022 jyly qurylǵan. 2022 jáne 2024 jyldary áıelder komandalary arasynda fýtzaldan CAFA chempıonaty Dýshanbede, al 2023 jyly Tashkentte ótti. Barlyq týrnırde Irannyń fýtzaldan áıelder quramasy jeńiske jetken.

Aıta keteıik, Qazaqstan quramasy United Cup týrnıriniń fınalynan tys qaldy.