«C5+1» joǵary deńgeıdegi kezdesýi beınekonferentsııa formatynda ótti
Jıynǵa Qazaqstannyń Syrtqy ister mınıstri Muhtar Tileýberdi, Qyrǵyzstannan – Chıngız Aıdarbekov, Tájikstannan – Sırodjıddın Mýhrıddın, Túrikmenstannan – Rashıd Meredov, Ózbekstannan – Abdýlazız Kamılov, AQSh Memlekettik hatshysy Maık Pompeo jáne onyń orynbasary Devıd Heıldiń qatysty.
Beınekonferentsııaǵa qatysýshylar saýda-ekonomıkalyq baılanystardy keńeıtý joldary men josparlaryn, sondaı-aq COVID-19 pandemııasynyń taralýy kezindegi shaqyrýlarǵa jaýap berý boıynsha birlesken kúshterdi talqylady. Іs-shara barysynda taraptar Aýǵanstan Islam Respýblıkasynda beıbitshilik pen turaqtylyqty qamtamasyz etýdi qoldaý jónindegi kúsh-jigerdi talqylady.
M.Tileýberdi jahandyq kúızelisterge qaramastan, platforma Ortalyq Azııa men AQSh arasyndaǵy ekonomıkalyq yntymaqtastyqty keńeıtýge, tranzıttik jáne kóliktik áleýetti damytýda tehnologııalar men saraptamalyq kómek tartýǵa, qorshaǵan ortany saqtaýǵa jáne aımaqtyq qaýipsizdikti nyǵaıtýǵa arnalǵan tıimdi alań bolyp qala beretinin atap ótti. Qazaqstan syrtqy saıası vedomstvosynyń basshysy Ortalyq Azııaǵa AQSh ınvestıtsııalary men tehnologııalaryn tartý jáne ol úshin «Astana» Halyqaralyq qarjy ortalyǵynyń alańyn qoldaný boıynsha «C5+1» dıalogy aıasyndaǵy jumysty jalǵastyrýdyń mańyzdylyǵyn atap ótti.
Taraptar óńirlik máselelerdi birlesip sheshý úshin ózara yqpaldastyqty belsendetýge nıet bildirdi.
«C5+1» formaty 2015 jyldan bastap jumys isteıdi jáne Ortalyq Azııanyń bes eli men Amerıka Qurama Shtattarynyń ózara árekettesýiniń kópjaqty mehanızmi bolyp tabylady.