C5+1 formatyndaǵy SІM basshylarynyń kelesi kezdesýi Qazaqstanda ótýi múmkin

NЬıÝ-IORK. QazAqparat – S5+1 formatyndaǵy syrtqy ister mınıstrleriniń kezekti kezdesýinde ózekti máseleler, sondaı-aq óńir elderi men AQSh arasyndaǵy saýda-ekonomıkalyq baılanystardy keńeıtý jónindegi birlesken kúsh-jiger talqylandy. Bul týraly QazAqparat QR Syrtqy ister mınıstrligine silteme jasap habarlaıdy.

Nıý-Iorkte BUU Bas Assambleıasynyń 77-sessııasy aıasynda QR Premer-Mınıstriniń orynbasary - Syrtqy ister mınıstri Muhtar Tileýberdi, AQSh Memlekettik hatshysy Entonı Blınken jáne Ortalyq Azııa elderiniń syrtqy saıası vedomstvolary basshylarynyń qatysýymen S5+1 formatynda syrtqy ister mınıstrleriniń kezekti kezdesýi ótti.

Kezdesýge qatysýshylar qol jetkizilgen ýaǵdalastyqtardy ınstıtýtsıonaldyq qoldaýdy jáne úılestirilgen iske asyrýdy qamtamasyz etýge arnalǵan S5+1 Vırtýaldy hatshylyǵynyń iske qosylýyn quptady.

M. Tileýberdi óz sózinde óńirdiń turaqty damýy men turaqtylyǵyn arttyrý maqsatynda ishki óńirlik dıalogti nyǵaıtýdyń mańyzdylyǵyn atap ótti.

«Qazaqstan óńirlik qaýipsizdik, klımattyq ózgeristerdiń jaǵymsyz saldaryna qarsy is-qımyl jasaý, sý resýrstaryn utymdy paıdalaný, áıelderdiń ekonomıkalyq múmkindikterin keńeıtý jáne adamı kapıtaldy damytý máselelerin birlesip sheshýge barynsha kúsh salady», - dedi ol.

Іs-shara sońynda Qazaqstan syrtqy saıası vedomstvosynyń basshysy kelesi mınıstrlik kezdesýdi Qazaqstanda ótkizýdi usyndy.

Foto : gov.kz