BJZQ zeınetaqy qoryn qalaı basqaryp otyr

NUR-SULTAN. QazAqparat – Biryńǵaı jınaqtaýshy zeınetaqy qory jyly basynan beri zeınetaqy qoryn qalaı basqarǵany týraly aqparat jarııalady,dep habarlaıdy QazAqparat tilshisi.

Resmı málimette 2021 jyldyń 1 mamyrynda zeınetaqy aktıvteriniń jalpy kólemi 12,6 trln teńge bolǵany jazylǵan. Al Ulttyq Banktiń senimgerlik basqarýyndaǵy zeınetaqy aktıvteri 12 trln 593,67 mlrd teńgege jetken. Salymshylar zeınetaqy reformasyn paıdalanyp, qazaqstandyq basqarýshy kompanııalarǵa zeınetaqy jınǵaynan 2,8 mlrd teńge aýdarǵan.

2021 jyldyń 1 mamyryna Ulttyq qordy basqarý jónindegi keńes maquldaǵan baǵyttar boıynsha Ulttyq bank BJZQ aktıvin mynadaı isterge ınvestıtsııalapty.

- Qarjy mınıstrligi shyǵarǵan memlekettik baǵaly qaǵazdar - 5 trln 292,61 mlrd teńge (búkil portfeldiń 42,3%). Onyń ishinde teńgege nomınaldanǵan memlekettik baǵaly qaǵazdar boıynsha ortasha kiristilik – jylyna 8,8%, dollarǵa nomınaldanǵan qaǵazdar kiristiligi – jylyna 4,2% qurady.

- Kvazımemlekettik uıymdarynyń oblıgatsııalary – 1 trln 756,42 mlrd teńge (13,95%). Onyń ishinde teńgemen nomınaldanǵan oblıgatsııalardyń ortasha kiristiligi – jylyna 10,8%, AQSh dollarymen nomınaldanǵan oblıgatsııalardyń ortasha kiristiligi –jylyna 6,6%.

-Ekinshi deńgeıdegi bankteriniń oblıgatsııalary – 1 trln 49,25 mlrd teńge (8,33%). Onyń ishinde teńgege nomınaldanǵan oblıgatsııalardyń ortasha kiristiligi – jylyna 10%. EDB depozıtterine 248,86 mlrd teńge (nemese portfeldiń 1,98%) ornalastyryldy. Onyń ortasha kiristiligi – jylyna 9,1 %.

Syrtqy basqarýdaǵy aktıvter – 1 trln 134,51 mlrd teńge (portfeldiń 9,01%-y). 2021 jyldyń 1 qańtarymen salystyrǵanda ósim 38,94 % qurady.

«Zeınetaqy aktıvteri portfeliniń 68,14%-yn Ulttyq valıýtadaǵy ınvestıtsııalar, 31,71%yn AQSh dollaryndaǵa ınvestıtsııalar, Reseı rýblindegei ınvestıtsııalar 0,14%-yn alyp tur», - dep jazady BJZQ mamandary.

Osy aktıvterdi basqarýdan túsken ınvestıtsııalyq tabystyń qurylymy mynadaı:

- ornalastyrylǵan salymdar men «keri REPO» operatsııalarynan túsken syıaqy túrindegi kirister 284,76 mlrd teńge;

- baǵaly qaǵazdardy naryqtyq qaıta baǵalaýdan túsken kirister 26,47 mlrd teńge;

- valıýta baǵamynyń aıyrmashylyǵynan túsken kirister 49,23 mlrd teńge;

- syrtqy basqarýdaǵy aktıvterdiń kirisi 64,15 mlrd teńge;

- ózge de kirister 63,91 mlrd teńgeni qurady.

«Osylaısha, 2021 jyldyń basynan eseptelgen ınvestıtsııalyq tabystyń mólsheri 488,52 mlrd teńge», - dep jazyǵan resmı málimette.