BJZQ aktıvi 15,8 trln teńgege jetti

ASTANA. QazAqparat – Biryńǵaı jınaqtaýshy zeınetaqy qorynyń zeınetaqy aktıvteri 18,5 trln teńgege jetti. Bul týraly Úkimet otyrysynda Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.

«Biryńǵaı jınaqtaýshy zeınetaqy qorynyń zeınetaqy aktıvteri jyl basynan 1,2 trln teńgege nemese 8,3 paıyzǵa ulǵaıyp, mamyr aıynyń sońynda 15,8 trln teńgeni qurady», - dedi Ǵalymjan Pirmatov.

Ulttyq bank tóraǵasynyń dereginshe, jyl basynan ınvestıtsııalyq kiris kólemi – 508,1 mlrd teńge, zeınetaqy jarnalary – 837,4 mlrd teńge, zeınetaqy tólemderi – 100,9 mlrd teńge, merziminen buryn alý somasy 62,8 mlrd teńge boldy.

«Zeınetaqy aktıvteriniń portfelin ártaraptandyrý jáne sheteldik naryqtarda ınvestıtsııalaý maqsatynda 2023 jyldyń basynan bastap 1,1 mlrd dollar satyp alyndy», - dedi ol.