Bizde bári jaqsy: Rahat Turlyhanov pen onyń áıeli vıdeojazba jarııalady

<p>Rahat Turlyhanov keshe áıelin urǵany úshin ákimshilik jaýapqa tartylǵan bolatyn. Al búgin erli-zaıyptylar vıdeojazba jarııalady, dep habarlaıdy Kazinform.</p>

Beınejazbada Rahat Turlyhanov áıeli ekeýine qatysty jańalyqqa túsinik berýdi jón kórgenderin jetkizdi.

Al, áıeli Altynaı óz kezeginde alańdaıtyn eshteńe joq ekenin atap ótti.

«Bizde bári jaqsy. Rahat, qamqor, meıirimdi jar ári áke. Iá, otbasynda urys-keris, túsinispeýshilik boldy. Biraq men buqaralyq aqparat quraldarynda jaǵdaıdy bilmeı jatyp, Rahatty ádiletsiz túrde jaman jaǵynan kórsetip jatqanyna qynjylam», - dedi ol.

Buǵan deıin Rahat Turlyhanovtyń áıeline qol jumsaǵany úshin ákimshilik jaýapqa tartylǵany týraly jazǵan bolatynbyz.