Biz ózekti óńirlik mindetterdi sheshý úshin barsha múddeli tarappen jumys isteýge nıettimiz - Toqaev
– Búkil jetekshi derjavalarmen tatý qarym-qatynas jasaıtyn Ortalyq Azııa elderi zor múmkindikterge ıe. Jas ári qýatty halyq, qalyptasyp kele jatqan orta tap, tabıǵı jáne aýyl sharýashylyǵy resýrstarynyń baılyǵy, tranzıt áleýeti ósim úshin berik negiz qalaıdy. Aımaqtyń ekonomıkasy qarqyndy damysa, onyń strategııalyq mańyzy da arta túsedi. Ortalyq Azııa elderiniń jyl saıynǵy konsýltatıvtik keńesi, ıAdrolyq qarýdan azat Ortalyq Azııa aımaǵy jáne Halyqaralyq Araldy qutqarý qory aıasyndaǵy qarym-qatynastar óńirimizdiń derbes yntymaqtastyq qurýǵa qabiletti ekenin kórsetedi. Bizdiń óńir jańa múmkindikterge jol ashady. Men barsha seriktesterimdi bizge osy turǵydan qaraýǵa shaqyramyn. Meniń oıymsha, Sıngapýrdyń ASEAN keńistiginde ashyq ári ınklıýzıvti aımaqtyq arhıtektýrany qurýdy kózdeıtin «ózara toǵysatyn dostar ortasy» uǵymy – Ortalyq Azııa úshin de óte ózekti. Dál sol sebepti Ortalyq Azııa S5+ yntymaqtastyq tetigin qurý bastamasyn kóterdi. Biz ózekti óńirlik mindetterdi sheshý úshin barsha múddeli tarappen jumys isteýge nıettimiz, – dedi Prezıdent.
Memleket basshysy sózin qorytyndylaı kele, ózara syılastyq pen ortaq maqsattarǵa negizdelgen áriptestik qatynastardy nyǵaıtýǵa jáne barshaǵa ortaq beıbit ári jarqyn bolashaq qurý jolynda kúsh biriktirýge shaqyrdy.
Dáristen keıin Qasym-Jomart Toqaev geosaıası qaqtyǵystardy retteý, halyqaralyq qaýipsizdikti qamtamasyz etý, orta derjavalardyń róli, Qazaqstan men Sıngapýrdyń yntymaqtastyǵyn damytý perspektıvasy týraly birqatar suraqqa jaýap berdi.