Biz orman-toǵaıy az elder qataryndamyz – Úkimet basshysy

<p>ASTANA. KAZINFORM &ndash; El aýmaǵynda 2021 jyldan beri shamamen 970 mln túp kóshet otyrǵyzylǵan, biraq, olardyń jersinýi esepke alynyp jatqan joq. Bul málimetti Úkimet basshysy Oljas Bektenov keltirdi.</p>

«Orman alqaptary men saıabaqtardy keńeıtý, bolashaq urpaq úshin bıologııalyq árkelkilikti saqtaý ekologııalyq ahýaldy jaqsartýda mańyzdy basymdyqtardyń biri. Bul – asa kúrdeli ári uzaqqa sozylatyn jumys. Sondyqtan ony udaıy nazarda ustaý qajet. Memleket basshysy 2 mıllıard túp aǵash otyrǵyzý mindetin qoıdy. Bul elimizdiń orman qoryn 14,5 mln gektarǵa deıin ulǵaıtýǵa múmkindik beredi. Biz onsyz da orman-toǵaıy az elderdiń qataryndamyz», - dedi Oljas Bektenov Úkimet otyrysynda.

Premer-Mınıstrdiń aıtýynsha, jerimizdi jasyl jelekke aınaldyrý úshin bar kúsh-jigerdń jumsaý kerek. 

«Alaıda, bul saladaǵy josparlardyń oryndalý qarqyny jyldan jylǵa báseńdep barady. 2021-shi jyldan beri qaraı elimizde shamamen 970 mln túp qana kóshet otyrǵyzylǵan. Onyń ózinde olardyń jersinip ketýi eseptelip jatqan joq. Sonymen qatar tilsiz jaý men adamdardyń órt qaýipsizdigin saqtamaý saldarynan orman alqaptarynyń kólemi qysqaryp barady», - deıdi ol.