Bıýrokratııalyq kedergilerdi azaıtýǵa baǵyttalǵan 183 usynys ázirlendi - Jazyqbaev
Onyń atap ótýinshe, memleket apparatynyń qyzmetin bıýrokratııadan aryltý baǵytynda densaýlyq saqtaý, bilim berý, eńbek, áleýmettik qorǵaý salalarynda taldaý júrgizilip, nátıjesinde memleket apparatynyń jumysyn meılinshe adamǵa baǵdarlanǵan servıstik sıpatta qalyptastyrýǵa, bıýrokratııalyq kedergilerdi azaıtýǵa baǵyttalǵan 183 usynys ázirlendi. Buǵan qosa, jalpy memlekettik organdardyń jumysynda kóp kezdesetin ishki ákimshilik rásimderine keshendi monıtorıng júrgizildi.
«Bul jumysqa ártúrli sala mamandarynan, azamattyq qoǵam ókilderinen jáne sarapshylardan quralǵan jalpy sany eki myńǵa jýyq adam qatysty. 2023 jyly qarjy-ekonomıka salasyna taldaý júrgizý josparlanýda», – dedi agenttik basshysy.
Darhan Jazyqbaevtyń dereginshe, agenttik janynda memlekettik organdardyń ókilderi men sarapshylardan quralǵan Servıstik memleket apparatyn qalyptastyrý jáne onyń qyzmetin bıýrokratııadan aryltý máseleleri jónindegi konsýltatıvtik-saraptama toby jumys jasaıdy. Konsýltatıvtik-saraptama tobynyń memlekettik qyzmetterdiń sapasy men qoljetimdiligin qamtamasyz etý, memlekettik apparat qyzmetin bıýrokratııadan aryltý boıynsha ózekti máselelerdi jan-jaqty talqylaý jumysy nátıjesinde 40-qa jýyq usynys memlekettik organdarǵa joldandy.
«Máselen, joldanǵan usynystar ázirlenip jatqan Tsıfrlyq kodekstiń jobasynda eskeriletin bolyp sheshildi. Toptyń usynysy boıynsha «Elektrondy úkimet» portalynda jumys istemeı turǵan 30-ǵa jýyq qyzmet qalpyna keltirildi», - dedi ol.