Bıýdjettiń kirisi 40 paıyz artady - Álıhan Smaıylov

NUR-SULTAN. QazAqparat – Bıýdjettiń shyǵys qarqynyn shektep, taý-ken sektorynan alynatyn salyq mólsherlemesin arttyrýdyń arqasynda bıyl kiris 40 paıyz artady. Úkimettiń keńetilgen otyrysynda Premer-Mınıstr Álıhan Smaıylov osyndaı málimet aıtty, dep habarlaıdy QazAqparat tilshisi.

«Taý-ken setkorynan qosymsha túsimder alý úshin zańmen paıdaly qazba baılyqtardy ıgerýge salynatyn salyqtyń mólsherlemesin 30 paıyzdan 50 paıyzǵa deıin kóbeıtý qarastyryldy. Tsıfrlyq maınıngke salyq salý úshin saralanǵan mólsherlemeler qarastyryldy.

2023 jyldyń 1 qańtarynan bastap mıkro jáne shaǵyn bıznes úshin eńbekaqy qorynyń biryńǵaı tólemi engiziledi. Bul eńbekaqy qoryna túsetin salyq júktemesin 35%-dan 20%-ǵa deıin azaıtady», - dedi Álıhan Smaıylov.

Úkimet basshysynyń aıtýyna qaraǵanda, qazir arnaıy salyq rejımderin qoldaný boıynsha salyqtyq ákimshilendirýdiń servıstik modeline kóshý jumystary júrgizilip jatyr.

«Jańa bıýdjettik saıasat boıynsha 3 jyldyq bıýdjet pen Ulttyq qordyń ólshemderi qarymta tsıkldyq erejelerdi eskere otyryp belgilenedi. Mundaı erejelerdiń engizilýi Ulttyq qordyń jınaqtaýshy fýnktsııasyn arttyrady. Bıýdjettiń teńgerimdiligi onyń kiris bazasyn nyǵaıtý jáne bıýdjet shyǵysynyń qarqynyn shekteý arqyly qamtamasyz etiledi. Respýblıkalyq bıýdjettiń óz tabysy bıyl 40% ósedi», - dedi Úkimet basshysy.

Aıta keteıik, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.