Bıýdjettiń IV deńgeıi: Aýyldyq okrýgterdiń tabysyn qalaı kóterýge bolady
«Jergilikti ózin-ózi basqarý bıýdjetiniń kiristeri sapaly salyqtyq ákimshilendirýge baılanysty. Salyqtar men tólemderdiń túrleri anyqtaldy. Endi durys esep pen esepteýdi qamtamasyz etý qajet. Memlekettik organdardyń (Qarjy, Іshki ister, Ádilet mınıstrlikteri jáne Memlekettik korporatsııanyń-avt.) aqparattyq júıelerindegi derekterdi salystyryp tekserý jáne ózektendirý (qateler túzetildi) júrgizildi. Bul óz kezeginde 2,3 mln derekti túzetýge múmkindik berdi. Tıisinshe, salyqty durys esepteý qamtamasyz etildi. Sonymen qatar, túgendeý jumystary júrgizildi. Tirkelmegen jyljymaıtyn múlik obektileri anyqtaldy», - dedi mınıstri Parlament Májilisindegi Úkimet saǵatynda.
Osy oraıda, 82 myńnan astam nysan tirkelgen (jyljymaıtyn jáne jyljymaly múlik). Bul aýyl bıýdjetiniń salyq salynatyn bazasyn ulǵaıtady.
Osylaısha, óz kiristeriniń ósýine áser etken úsh faktordy bólip kórsetýge bolady. Birinshiden, salyqtardy sapaly basqarý. Jergilikti organdardyń óz kiristerin durys esepke alý men esepteýge tikeleı qyzyǵýshylyǵy paıda boldy. Buryn atalǵan salyqtar joǵary turǵan bıýdjetke aýdarylǵandyqtan, is júzinde barlyq soma aýyldyq okrýgke qaıtarylmady.
Ekinshiden, tirkelgen nysandar sanyn ulǵaıtý. Munda nysandardy tirkeý boıynsha úlken jumys júrgizildi. 2019 jyly jyljymaly jáne jyljymaıtyn múlikke salynatyn salyqtan túsken túsim (11,9 mlrd tg) 2018 jylmen salystyrǵanda 15 paıyzǵa (10,3 mlrd tg) artty.
«Úshinshi faktor kommýnaldyq menshikti basqarýǵa qatysty. Múlikti jalǵa berý jáne satý tabys kózi bolyp tabylady. Sondaı-aq, ákimder múlikti paıdalaný kezinde týyndaıtyn máselelerdi jedel sheshedi», - dep túsindirdi Rýslan Dálenov.