Bıýdjettiń 71 mlrd teńgesi ıgerilmeı qalǵan – Qarjy mınıstri

ASTANA. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev bıýdjet qarajatynyń nege ıgerilmeı qalǵanyn túsindirdi, dep habarlaıdy QazAqparat tilshisi.

Memlekettik bıýdjettiń shyǵystary 93,5%-ke, respýblıkalyq bıýdjettiń shyǵystary – 94,7%-ke, jergilikti bıýdjetterdiń shyǵystary 96,3%-ke atqaryldy.

«Respýblıkalyq bıýdjet boıynsha 1,5 trln teńgege shyǵystar júrgizildi. 84 mlrd teńge jumsalmaı qalǵan, onyń ishinde 13 mlrd teńge – únemdeý bolsa, 71 mlrd teńge – ıgerilmegen», - dedi Erulan Jamaýbaev Úkimettiń búgingi otyrysynda.

Eń kóp ıgerilmeý somasy Densaýlyq saqtaý, Mádenıet jáne sport, Ekologııa jáne tabıǵı resýrstar, Aqparat jáne qoǵamdyq damý mınıstrlikterinde baıqalǵan.

«Igerilmeýdiń negizgi sebepteri: tólemniń negizdiligin rastaıtyn qujattardyń bolmaýy nemese usynylmaýy; sharttardy, qosymsha kelisimder jasasý rásimderin uzaq júrgizý; bıýdjettik baǵdarlamalardy iske asyrý jóninde normatıvtik quqyqtyq aktilerdi ýaqytyly qabyldamaý; oryndalǵan jumystar aktilerin, shot-faktýralardy, ýaqtyly usynbaý; konkýrstyq rásimderdi uzaq ótkizý», - dep túsindirdi Qarjy mınıstri.

Aıta keteıik, qańtar aıynda memlekettik bıýdjetke 1,5 trln teńge túsken.

Foto: t.me/Kzgovernment