Bıýdjettiń 45%-in áleýmettik salaǵa bólýdiń mýltıplıkatıvtik áseri óte joǵary bolady - mysyrlyq sarapshy

ASTANA. QazAqparat - Qazaqstanda Respýblıkalyq bıýdjettiń 45%-i áleýmettik salaǵa bólinýi qazaq qoǵamyndaǵy birqatar máselelerdi sheship, ekonomııkalyq damýdy qamtamasyz etedi. Bul baǵytta Ulttyq qordan qarajat bólý - zańdylyq. Mysyrlyq «Dıalog» strategııalyq zertteýler ortalyǵynyń atqarýshy dırektory, saıasattanýshy Ahmed Tahır osylaı pikir bildirdi.

«Qazirgi ýaqytta halyqty áleýmettik qamtamasyz etý kez kelgen bıliktiń aldynda turǵan kúrdeli mindet. Qazaqstan Respýblıkasy Prezıdenti Nursultan Nazarbaevtyń bıleýshi partııa jıyny barysynda aıtqan «Bizdiń basty basymdyǵymyz - azamattardyń ómir súrý deńgeıin kóterý jáne Qazaqstandy áleýmettik memleket retinde damytý» degen sózi aldaǵy ýaqytta memleket qoǵamnyń álsiz toptaryna jan-jaqty qamqorlyq kórsetetinin bildiredi» deıdi saıasattanýshy.

Sondaı-aq, Ahmed Tahır bıýdjettiń kóp bóligin áleýmettik salaǵa bólýdiń mýltıplıkatıvtik áseri óte joǵary bolatynyn aıtady.

«Respýblıkalyq bıýdjettiń 45%-in áleýmettik salaǵa bólý qazaq qoǵamyndaǵy birqatar máselelerdi sheship, mýltıplıkatıvtik áseri óte joǵary bolyp, ekonomııkalyq damýdy qamtamasyz etedi. Bul baǵytta ulttyq qordan qarajat bólý - zańdylyq», - dep túıindedi sózin sarapshy.