Bıýdjetti naqtylaý kezinde HQO qyzmetkerleriniń aılyǵyn kóterý máselesi qaralady

ASTANA. QazAqparat – Respýblıkalyq bıýdjetti naqtylaý kezinde «Azamattarǵa arnalǵan úkimet» koroporatsııasy qyzmetkerleriniń aılyǵyn kóterý máselesi qaralady. Premer-Mınıstr Álıhan Smaıylov Májilis depýtattarynyń saýalyna bergen jaýabynda osnydaı málimet aıtty, dep habarlaıdy QazAqparat tilshisi.

«Memlekettik korporatsııa qyzmetkerleriniń jalaqysyn arttyrý máselesine toqtalsaq, 2022 jyly qańtar-shilde aralyǵynda qyzmetkerlerdiń jalaqysy kezeń-kezeńimen 50%-ǵa artty. Bul ózgeris apparat qyzmetshileri men fılıal basshylarynan bólek 21 myńnan astam qyzmetkerdi qamtydy. Memlekettik korporatsııanyń qatardaǵy qyzmetkerleriniń ortasha jalaqysy respýblıkadaǵy ortasha mánnen tómen ekenin eskersek, jalaqyny taǵy 50%-ǵa arttyrý máselesine respýblıkalyq bıýdjet naqtylanǵan kezde oralý josparlanyp otyr», - delingen jaýapta.

Álıhan Smaıylov bul mekemeniń qyzmetkerler sanyn óz erkimen jumystan shyqqan, zeınet jasyna jetken, eńbek sharty aıaqtalǵan, sondaı-aq eńbek sharttaryn buzýǵa ákep soqqan teris áreket jasaǵan qyzmetkerlerdiń bos oryndary arqyly ońtaılandyrý josparlanǵanyn aıtady.

«Bul rette tsıfrlandyrý jáne proaktıvti formatqa kóshý esebinen kórsetiletin qyzmetter sanynyń jyl saıyn tómendep kele jatqanyń eskersek, olardyń sanyn ońtaılandyrý óndiristik protsesterdi oryndaýǵa kedergi keltirmeıdi», - deıdi Úkimet basshysy.