Bıýdjetten 21 áýe baǵdaryn sýbsıdııalaýǵa 6,3 mlrd teńge bólindi, tarıfter 10 myń teńgeden bastalady

ASTANA. QazAqparat – Qazirgi kezde áýe kóligi salasynda 6 qazaqstandyq tasymaldaýshy 56 ishki baǵdar boıynsha aptasyna 706 reısti oryndap keledi. Bul týraly QR Indýstrııa jáne ınfraqurylymdyq damý vıtse-mınıstri Almaz Ydyrysov aıtty, dep habarlaıdy QazAqparat tilshisi.

«Іshki naryq jaıynda aıtatyn bolsaq, 2012 jyldan bastap barlyq shekteýler alynyp tastaldy. ıAǵnı ishki turaqty tasymaldaýǵa ruqsaty bar kez kelgen otandyq áýe kompanııasy ishki baǵdarlar boıynsha reısterdi qandaı da bir shekteýsiz oryndaı alady. Qazirgi kezde 6 qazaqstandyq tasymaldaýshy (Eır Astana, Fly Arystan, SCAT, Qazaq Air, ıÝjnoe nebo, Jetisý) 56 ishki baǵdar boıynsha aptasyna 706 reısti oryndap keledi», - dedi A. Ydyrysov Senatta elimizdegi áýe kóligi máselelerine qatysty jıyn barysynda.

Sonymen qatar ol áýe baǵdarlaryn sýbsıdııalaý máselesine toqtaldy.

«Bul qadam 2002 jyldan beri qoldanylyp keledi, maqsaty - ortalyqty óńirlik áýe jelilerimen baılanystyrý. Bıyl ortalyqtan oblystarǵa (Jambyl, Pavlodar, Soltústik Qazaqstan, Aqmola, Aqtóbe, Túrkistan, Ulytaý) 21 áýe baǵdaryn sýbsıdııalaý úshin respýblıkalyq bıýdjetten 6,3 mlrd teńge somasynda qarajat bólindi. Reısterdi «SCAT», «Qazaq Air» jáne «ıÝjnoe nebo» avıakompanııalary oryndaıdy. Tarıfter 10 000 teńgeden bastalyp (Jezqazǵan – Qaraǵandy) 33 000 teńgege deıin qurady (Túrkistan-Oral)», - dedi vıtse-mınıstr.

Onyń sózine qaraǵanda, respýblıkalyq bıýdjetti naqtylaý nátıjesinde bıyl Astana – Jezqazǵan, Astana – Pavlodar, Qaraǵandy – Jezqazǵan, Kókshetaý – Shymkent jáne Taraz – Atyraý sııaqty jańa baǵyttardy ashý josparlanǵan.

«Osy jyly naýryz aıynda respýblıkalyq bıýdjetti naqtylaý aıasynda Astana-Pavlodar, Taraz-Atyraý, Kókshetaý -Shymkent avıamarshrýttaryn sýbsıdııalaý úshin 878 mln teńge somasynda qarajat bólindi», - dedi Almaz Ydyrysov.

Budan buryn habarlanǵandaı, bıyl 10-ǵa jýyq halyqaralyq baǵyt boıynsha reıster ashylmaq.