Bıýdjetke jarty jylda 7,15 trln teńge salyq túsken
Bul týraly QR Qarjy vıtse-mınıstri Erjan Birjanovtyń tóraǵalyǵymen ótken Memlekettik kirister komıtetiniń alqa otyrysynda málim boldy. Jıynda aǵymdaǵy jyldyń birinshi jartyjyldyǵynyń respýblıka boıynsha memlekettik kirister organdarynyń jumysy qorytyndylanyp, ekinshi jartyjyldyqqa mindetter anyqtaldy jáne tapsyrmalar berildi.qorytyndysy shyǵaryldy. Beıne-konferentsbaılanys arqyly ótken alqa májilisine aýmaqtyq memlekettik kirister departamentteriniń basshylary qatysty.
«2022 jyldyń 1 jartyjyldyǵyna memlekettik bıýdjetke salyqtyq túsimder boıynsha jospar 106,4%-ke oryndalyp, 7,15 trln. teńge túsken.Ótken jyldyń sáıkes kezeńimen salystyrǵanda, memlekettik bıýdjetke salyqtyq túsimder 2,3 trln. teńgege kóbeıip, 1,5 esege ósken», delingen habarlamada.
Komıtettiń málimetinshe, atalǵan kezeńde bıýdjetke 567,2 mlrd. teńge somasyndaǵy qosymsha rezerv túsimderi qamtamasyz etildi. Kameraldyq baqylaý men salyq aýdıtiniń tıimdiligi 162,7 mlrd. teńgege ósken.
«2022 jyldyń 1 jartyjyldyǵynda memlekettik kirister organdary salyq jáne kedendik baǵyttaǵy 9,9 mln. memlekettik qyzmet kórsetken, onyń ishinde 99% elektrondy túrde bolǵan. Ótken jyldyń sáıkes kezeńimen salystyrǵanda elektrondy qymetter sany 1,9%-ke ósken. Odan bólek, memlekettik kirister organdarynyń Baılanys ortalyǵyna keńes alý úshin habarlasqan azamattardyń 97%-i operatorlardyń jumysyna oń baǵa bergen», - dep atap ótti vedomstvoda.
Alqa májilisiniń qorytyndysy boıynsha aýmaqtyq departamentterge sybaılas jemqorlyqpen kúres, bıýdjetke salyq jáne kedendik túsimder josparyn oryndaý, sondaı-aq qosymsha rezervter túsimin qamtamasyz etý jónindegi jumysty jalǵastyrýǵa tapsyrma berildi.