«Bıýdjetke qatysý» jobasy: Almatyda 7 mlrd teńgeniń 322 jobasy júzege asyryldy
Almaty ákimi Memleket basshysy Qazaqstan halqyna Joldaýynda abattandyrý men turǵyn úı-kommýnaldyq sharýashylyǵynyń bıýdjetine «halyqtyń qatysýy» úlesin 10 esege arttyrýdy tapsyrǵanyn atap ótti.
Onyń aıtýynsha, «Bıýdjetke qatysý» jobasy Almatyda ekinshi jyl júzege asyrylyp jatyr. 23 tamyzdan bastap jobany iske asyrýdyń úshinshi jylyna ótinimder qabyldandy.
Máselen, eki jyl ishinde saıabaqtar, skverler, aýlalardy abattandyrý, qoǵamdyq oryndardy jaryqtandyrý men jóndeýge quny 7,3 mlrd teńge bolatyn 322 joba (2020 j. - 49 joba, 2021 j. - 273 joba) júzege asyryldy.
«Bul jobadaǵy bıýdjettiń úlesi 5 paıyz. Bul belgilengen eń tómengi kólemnen 10 ese kóp. Eń tómengi kólem «turǵyn úı-kommýnaldyq sharýashylyq» fýnktsıonaldyq toby úshin jyldyq bıýdjettiń 0,5%-nan kem emes. Al eki aýdanda – Alataý men Naýryzbaıda bıýdjettiń úlesi eń tómengi shekti deńgeıden 15 ese joǵary»,- dedi ol.
Baqytjan Saǵyntaev bolashaqta «Bıýdjetke qatysý» jobasy aıasynda qalanyń shetki bóligi úshin jobalardy irikteý protsedýralaryn odan ári jetildirý kerektigin aıtty. ıAǵnı, jyl boıy turǵyndardyń usynystaryn jınaý josparda