Bıýdjet kirisiniń 71 paıyzy salyqtan túsedi

ASTANA. QazAqparat –Memlekettik bıýdjet kirisiniń 71 paıyzy salyqtan túsken, dep habarlaıdy QazAqparat Finprom.kz saıtyna silteme jasap.

Bıýdjettiń kiris bóligi bıyl byltyrǵydan 35 paıyz joǵary bolǵan. Kiristiń negizgi bóligi ádettegideı salyqtan túsip otyr - 71%.

«Bıylǵy qańtar-shilde aılarynyń qorytyndysy boıynsha elimizdiń memlekettik bıýdjetine 11,4 trln teńge tústi. Bul ótken jylmen salystyrǵanda 35,4% artyq.

Salystyrsaq, byltyrǵy jeti aıda memlekettik bıýdjettiń kirisi 8,4 trln teńge bolyp, bir jylda 4,6% ósti.

Tabystyń kóp bóligi ádettegideı salyq túsimderinen alyndy – 70,8%. ıAǵnı, jeti aıda salyqtardan 8,1 trln teńge alynǵan. Bul byltyrǵydan 46,2% artyq. Onyń ishinde tabys salyǵynyń túsimderi 3,1 trln teńge, taýarlardyń, jumystar men qyzmetterdiń ishki salyqtary 2,9 trln teńge, halyqaralyq saýda jáne syrtqy operatsııalardyń salyqtary 1,2 trln teńge, áleýmettik salyq 567,7 mlrd teńge, menshik salyǵy 254,5 mlrd teńge boldy», -dep jazady Finprom.kz