Bıýdjet qarjysyn jymqyrǵan «Saıram-Ógem» ulttyq parkiniń basshysy sottaldy

ShYMKENT. QazAqparat – Shymkent qalasynyń sybaılas jemqorlyqqa qarsy is-qımyl qyzmeti «Saıram-Ógem memlekettik ulttyq tabıǵı parki» RMK bas dırektory K.Ý. Kerimbekovke qatysty sotqa deıingi tergep-tekserýdi aıaqtady, dep habarlaıdy QazAqparat vedomstvoǵa silteme jasap.

Kerimbekov alaıaqtyq jasap, ózi baǵynatyn QR AShM Orman sharýashylyǵy jáne janýarlar dúnıesi komıtetiniń laýazymdy tulǵalaryna beremin dep orynbasarlarynan 764 myń teńge jınap aldy degen kúdikke ilikken.

Budan bólek, laýazymyn teris paıdalana otyryp, bıýdjet qarajatyn jymqyrdy degen kúdik te bolǵan. MUTP basshysy Túrkistan oblysynyń Tóle bı aýdanyndaǵy Qazaqstan aýylynda 564 myń teńgege jońyshqany oryp, tasymaldaý jumystarynyń aktisine qol qoıý arqyly bıýdjet qarajatyn jymqyrdy dep aıyptalǵan.
11 qyrkúıek kúni Shymkent qalasy ál-Farabı aýdandyq sotynyń úkimimen Kerimbekovke 7 640 000 teńge mólsherinde aıyppul salyndy.
Budan bólek, ómir boıy memlekettik qyzmette laýazym ıelený quqyǵynan aıyryldy.