Bıýdjet qarajatyn jymqyrǵan «Eńbek» fılıalynyń dırektory ustaldy
17:36, 21 Maýsym 2019
NUR-SULTAN. QazAqparat - Almaty oblystyq sybaılas qylmysqa qarsy qyzmet QR ІІM Qylmystyq-atqarý júıesi komıtetiniń túzeý mekemesi «Eńbek Jaýǵashty» fılıalynyń dırektory men zańgeriniń bıýdjet qarajatyn talan-tarajǵa salǵandyǵyn anyqtady, dep habarlaıdy QazAqparat tilshisi.
QR Jemqorlyqqa qarsy is-qımyl agenttiginiń málimetinshe, kúdiktiler 187 mln teńge bıýdjet qarajatyn qaltalaryna basqan.
«Olarǵa oblystaǵy 7 órt sóndirý bóliminiń qurylysyna bólingen 187 mln teńge bıýdjet qarajatyn oryndalǵan jumystardyń jalǵan aktilerine qol qoıý arqyly urlaý aıyby taǵylǵan. Kúdiktiler ýaqytsha oqshaýlaǵyshqa qamaldy. Bultarpaý sharasyn tańdaý máselesi sheshilip jatyr. Tergeý jalǵasýda. Kúdiktilerge qatysty sońǵy úkimdi olardyń kinálarynyń deńgeıin anyqtaý arqyly sot shyǵarady», - dep atap ótedi vedomstvodan.