ASTANA. KAZINFORM – Qarjylyq monıtorıng agenttigi «SQ-Farmatsııa» kompanııasyna qatysty bıýdjet qarajatyn jymqyrý faktisi boıynsha tergeý júrgizip jatyr. Bul týraly agenttik tóraǵasynyń orynbasary Jeńis Elemesov málimdedi.
– Iá, bıýdjet qarajatyn jymqyrý faktisi boıynsha qylmystyq is tirkeldi. Tergeý amaldary júrgizilip jatyr, alaıda tergeý múddesine baılanysty tolyq aqparat jarııa etilmeıdi, – dedi Jeńis Elemesov Senat kýlýarynda.
Buǵan deıin Májilis depýtaty Baqytjan Bazarbek áriptesi Murat Ábenovpen birge bergen ótinish negizinde «SQ-Farmatsııa» JShS qatysty tergeý bastalǵanyn habarlaǵan bolatyn.
Bıyl maýsymda qylmystyq quqyqbuzýshylyq belgileri bar aýdıt materıaldary Bas prokýratýraǵa shara qabyldaý úshin joldanǵan edi.
Aıjan Serikjanqyzy
Aıjan Serikjanqyzy Qasym L. N. Gýmılev atyndaǵy Eýrazııa ulttyq ýnıversıteti Jýrnalıstıka jáne saıasattaný fakýltetiniń túlegi. Mamandyq boıynsha RF Tatarstannyń Qazan qalasynda, Polshanyń Vrotslav qalasynda taǵylymdamadan ótken. 2017 jyldan beri QazAqparat agenttiginde jumys isteıdi.