Byltyrǵy on aıda Qazaqstannyń syrtqy taýar aınalymy 34,1%-ǵa ósti - Serik Jumanǵarın

ASTANA. QazAqparat – Ótken jyly Qazaqstannyń syrtqy taýar aınalymy 34,1 paıyzǵa artyp, 110,6 mlrd dollarǵa jetti. Bul týraly Premer-mınıstr Álıhan Smaıylovtyń tóraǵalyǵymen ótken Saýda jáne ıntegratsııa mınıstrliginiń keńeıtilgen alqa otyrysynda mınıstr Serik Jumanǵarın málim etti, dep habarlaıdy «QazAqparat» tilshisi.

«2022 jyldyń 10 aıynyń qorytyndysy boıynsha Qazaqstannyń syrtqy taýar aınalymy 2021 jyldyń sáıkes kezeńimen salystyrǵanda 34,1%-ǵa ulǵaıyp, 110,6 mlrd dollar boldy. Eýrazııalyq ekonomıkalyq odaq sheńberindegi taýar aınalymy – 23 mlrd dollar. Bul – 2021 jyldyń uqsas kezeńinen 7,5 paıyzǵa artyq. Sonymen qatar, kedendik ákelý bajdarynyń somalaryn bólmeý múmkindigi maquldandy. Osy arqyly únemdeý boljamy – 100 mln dollardan astam. Bir jyl ishinde seriktes elder qoıǵan 6 kedergi joıyldy, eksporttyq ósim boljamy – 500 mln dollar. Bıyl 8 kedergini alý josparlanyp otyr, olardyń ósim boljamy – 800 mln dollar», - dedi mınıstr Serik Jumanǵarın.