Byltyr jol erejesin buzýdyń 2,6 mln oqıǵasy vıdeokameramen anyqtaldy - QR ІІM

NUR-SULTAN. QazAqparat – Ótken jyly jol qozǵalysy erejesin buzýdyń 2,6 mıllıon faktisi beınekamera arqyly anyqtaldy. Bul týraly QR ishki ister mınıstrliginiń Facebook-paraqshasynda ótken tikeleı efırde aıtyldy, dep habarlaıdy QazAqparat tilshisi.

«Ótken jyly 5 jarym myńnan astam qylmystyq is boıynsha sotqa deıingi tergeý elektrondyq formatta júrgizildi. Sottalǵandardy ustaý jaǵdaılary jaqsardy. Týystarymen beınekezdesý, ınternet-dúkenderden jekelegen taýarlarǵa tapsyrystar engizildi, basqa ınstantsııalarǵa elektrondyq ótinishter berý úshin termınaldar ornatyldy», - deıdi QR ІІM resmı ókili Nurdildá Oraz.

Onyń aıtýynsha, eldegi árbir ekinshi jol-kólik oqıǵasy beınekamera arqyly anyqtalǵan.

«Mysaly, ótken jyly 2,6 mıllıon jol qozǵalysy erejesin buzýshylyq beınekamera arqyly anyqtaldy. Azamattarymyzdyń qaýipsizdigi men tynyshtyǵyn qamtamasyz etý úshin mınıstrlik bıyl iske asyratyn basqa pılottyq jobalardyń ishinde balanyń ornalasqan jerin baqylaýǵa múmkindik beretin «Meni tap« balalar qaýipsizdigi júıesi bar. Sondaı-aq, kóshedegi Jedel shaqyrý «SOS túımesi» - ony basqan kezde quqyq buzýshylyq týraly habarlaýǵa nemese polıtsııaǵa kómekke júginýge bolady», - deıdi ol.